Page 191 - Mizo Fakna Hlabu

No-196
KA HRINGNUN

-Roma

1. Khawvelah lawmna famkim zawngin ka tlan thin a,

Ka thiam leh theihna zawng nen ka tlan fo thin a;

Beidawngin ka rum thin ka nu nghahfak ka tawng lo,

Lungngaiin ka rum leh si thin.

Khawnge ka chawlhna tur?khawnge chatuan lawmna?

Ka hringnun thlakhlel chatuana chawlhna chu ohh,

Ram tuktin par ianga vullai rei silo;

Khawvel hlimna chu ka beisei tawh lo ve, ka hringnun hian.

2. Ka duhsam kim na hmun chu zawngin ka tlan zel a,

Chatuan nun kawng tlansan in ka kal zel thin a;

Beidawngin ka rum thin ka nun nghah fak ka tawng lo,

Lungngaiin ka rum leh si thin.

No-197
I PIANNA RAMAH KIR LEH RAWH

-Lalremruata (Mapuia)

1. Kan khualzinna he leiah hian ringtute kan chau thin,

Lei mawina leh sual ral hian min rum tir fo thin;

Mahse, Lalpa hmangaihna ropui chuan,

Kristaah beiseina thar min siam

I pianna ramah ringtu kir leh rawh,

I hmangaihna hmasa bansan mai lovin;

I damna Krista krawsah kir leh rawh,

I pianna ramah ringtu kir leh rawh.

2. Kraws thu chu boral mek tan chuan atna ni mahse,

Chhandam mek tan erawh Pathian thiltihtheihna;

Mihring hlui hlipa siamtharna kan chan theih nan,

Kan damna Kalvariah kir leh ang.

3. Thlarau thianghlim kan ngai che, tunah kan sawm che

Kan thinlung maichamah lo cheng thar leh la;

Sual sim a hawikir a kan ram kan harh theih nan,

Kan pianna hmunah min hruai leh rawh.

Lanthara Siakeng