Page 197 - Mizo Fakna Hlabu

No-203

KHAWVEL A NGAM TA

Phuahtu - Joseph Zaihmingthanga Key-Dm

Hringfa suala bo hnu chhanchhuak tur leh,

Chhinchhiahna pasarih thaibo turin tunge kal ang?

Tiin Van tlangau chuan thu a puang a,

Chhanna reng a awmlo an ngui riai e;

Ka mite an bawhchhiatna thaibo tur chuan,

Kei ka kal ang a ti van Lal fa chuan.

Ka Lal riangvai tak chu Luruh hmunah an kalpui ta amaw?

Kraws chu puin hmuhsit leh endawngin an cheksawlh a,

Ka pa ngaidam rawh tiin a tawngtai a;

A kinta tiin a thlarau a thlah ta.

Bawhchhiatna avanga thiamloh chan tawhte,

Rochan chhethei tawhlo ka chan leh theih nan a tuar ta a;

Thlanthim lam chu panin an kalpui ta,

Puan nema tuam chungin an zalh ta a;

Aw engtin ni zel maw ka Lal duhtak chu,

Thlan tihbai-awmah chuan an zalh simaw!

Thihna in a ngam loh ropuina leh,

Thltihtheihnate nen a tho leh ta e;

Tho leh Krista nun chu ka nun a ni ta,

Engmah reng hlau suh u, hlauh tur a awm lo;

Thlamuangin awm rawh u khawvel angam ta.

Atawpnan :

Thihnain a ngam loh ropuina leh,

Thltihtheihnate nen a tho leh ta e;

Tho leh Krista nun chu ka nun a ni ta,

Engmah reng hlau suh u hlauh tur a awm lo;

Lanthara Siakeng