Page 218 - Mizo Fakna Hlabu

No-224

A MAK MANG E, VAN LALBER CHUAN

-Dr Ramdinthara Key-G

1. A mak mang e, van Lalber chuan,

Inngaitlawma hringmi a chan lai khan,

Nuamsa thei khan hrehawm tinreng chu tuarin,

Ranthleng leh kraws maw a lo thlan le!

Hmangaih luat vanga inngaitlawmin,

Hrehawm leh thihna a rawn thlang ta;

Hmangaih ten malsawmna an chan theih nan,

Hmangaihtu’n a tuar a tul si thin.

2. A hniakhnunga kan zui ve nan,

Entawn tur amahin a hnutchhiah kha;

Mi dang tana malsawmna lo ni turin,

Keiini pawh kan tuar a tul ngei ang.

3. Hmangaihna famkim a lang thin,

Engkim huama tuarna hmunah hianin;

Lal Isua i hmangaihzia lanna turin,

Engtia nasa nge i lo tuar ve?

Lanthara Siakeng