Page 232 - Mizo Fakna Hlabu

No-238

ZAN LUNGNGAIHTHLAK, ZION PINDAN CHHUNGAH

-Patea Key-D

1. Zan lungngaihthlak, Zion pindan chhungah,

Ka Lalpan a thisen a semin;

Chuti-anga lungngaih chhumpui zing chuan,

Ka Lal thlaphangin a lo rumtir.

Aw, nangni Jerusalem-te u,

A khawngaih in chan kha hria ula,

In nat tinreng a tihdamsak che u,

A lungngaihna haider lul suh u.

2. Jerusalem kulh pawn lamah chuanin,

‘Zawlnei theih dan a ni lo’ an ti;

Mahse, en teh, Kalvari kawng lam saw,

Mipui zingah ka Lalpa ka hmu.

3. En teh, Kalvari a thleng takngial dawn,

Engtin nge maw ka tih tak ang le!

Aw ka Lal, i lo kir leh tawh lo’ng maw?

I hmun tur chu Kalvari a ni.

4. Ka rawn theihnghilh lo’ng che ka Lal Isu,

Kalvari lam ka lo hawi nang e;

Ka tan i tuarna ka thinlung chhungah

Ka hnukchah thlengin ka hre reng ang.

Lanthara Siakeng