Page 24 - Mizo Fakna Hlabu

NO-9

ZING THLA ZARIN HAN LENG ILA

-C.Thangkhuma Key-D

1. Zing thla zarin han leng ila,

Chung lam Jerusalem thar mawiah;

Ka rumna ram ka ngai tawh law’ng,

Lungduhte nen kan leng za tawh ang.

Tahchuan an leng e, tlan sate,

Lei hring nun hi an ngai tawhlo;

Chatuan hlim tawp lohna ramah,

Inkhawmpui an tiak tawh ngailo.

2. Zan a awmlo khawpui mawiah,

Ni eng leh khawnvar a ngai tawhlo;

Beramno chu a eng reng fo,

Inkhawmpui tiak tawh lohna-ah chuan.

3. Riltam, tuihal, kebai leh nat,

A awm tawh law’ng chu khawpui mawiah;

Lungngaih a reh, thimna a bo,

Inkhawmpui tiak tawh lohnaah chuan.

4. Beramno Lalthutphah hmaah,

Fakna hla sain kei ngei pawh hi,

Aw, ka la han chawl ve ang a,

Inkhawmpui kan tiak leh tawh lovang.

Lanthara Siakeng