Page 251 - Mizo Fakna Hlabu

No-257

CHATUAN NUNNA ROHLU KA

CHHAR TA

-Hrangena Key-A

1. Chatuan nunna rohlu ka chhar ta,

He khawvel hneha ngamna chu;

Lal Isua leh a hnathawhte ringin,

Hnehin ka ngam, sual thihna ral lian.
2 {
Hei hi a ni, khawvel hneha ngamna chu,

Kan rinna hi;

Aw thihna, khaw nge i tur chu?

Aw thlan, khaw nge i hnehna chu?

Nun tawp lovin chatuan ram ka leng ang,

Haleluia! Hnehtu Lal lian, ka fak a che.

2. Thenkhatten tawlailirte ringin,

Ralthuam famkim ring mah sela,

Kei erawh chuan Lalpa hming ka ring a,

Nungin ka tho, Hnehtu Lal zarah.

3. Tunah hian sual ral lo lian mah se,

Ka hneh ang Lal Krista zarah;

Pathian thu nung, ngunhnam leh rinna phaw,

Hmangin ka hneh ang, sualna ral lian.

4. Rorelna lo thleng tur ka hlau lo’ng,

Thiamchan lawkna ka neih vangin;

Tu nge ka Lalpa hmaah min hek ang?

Ka ta a ni, a ta ka ni si.

Lanthara Siakeng