Page 297 - Mizo Fakna Hlabu

No-303

TAPIN AN RUM NGAI LO

-R.L.Kamlala Key-D

Tapin an rum ngai lo,

Buaina an hneh tawh e;

Van Salem khawpuia

Han lengte chuan,

Sualna ral an ngam ta

Thihna an hlau ngai lo;

Aw, lawmin zai an rem e. (2)

Aw, khawvel ka enin,

Thimin a bawm reng e;

Lungngai lusun fate

Rum a thang vel;

Kan lawm lai parte hi,

CHuaiin mual an liam thin.

Aw, ka ram ka ngai mang e. (2)

Aw thisen, i zarah,

Chu khawpui chuan min hnem,

Lui ral, kan mi lungduh

Kimna ram chu;

Min la hruai kai ang che,

Angel varte zingah;

Aw, zai ka nuam ve tawh e. (2)

Lanthara Siakeng