Page 80 - Mizo Fakna Hlabu

No-67

PATHIAN HMEL

-Remlalfaka (Lehlin) Key-F

1. Thim zingah thuin mangan ritphurin,

Hlim ni reng i beisei ngam tawh lo maw?

Chung lam thlir reng la, Chhandamtu lam chu,

Pathian hmel duhawm chu a lo eng ngei dawn e.

I rilru lungngaia rumin, mangangin tap thin mahla,

I beiseina chu bo rih mahse;

Thim chu a kiang ang, khua a la var dawn,

Pathian hmel duhawm chu a lo eng ngei dawn e.

2. I thlarau chauvin, i thinlung a hliam,

Lalpa that zia chu i lo ringhlel ta!

Mahse nghak hram rawh, kawng hawn a ni dawn,

Pathian hmel duhawm chu a lo eng ngei dawn e.

3. Lei hringnun hi chuaiin a ral mek,

Lalpa thu erawh chu a ding reng dawn

Krista ngei chu a lo hnai ta,

Pathian hmel duhawm chu alo eng ngei dawn e.

Lanthara Siakeng