Page 117 - Mizo Fakna Hlabu

No-111

THISEN THILTIHTHEIHNA

Madinmawia Key-A

1. Ka nun tuihal a leng vel a,

Riaka cham hlenna awm lo;

Kawtthler hmun mawi in nuam tinreng,

Dam chhung reiloteah paw’n a tawk zo lo.

Kalvari tlang ka hahdamna,

Tho leh Krista ka innghahna;

Thlahthlam phal loh nun ka nei ta,

Thisen thiltihtheihna kros ka tan damna.

2. Mihring hlui sual min hmuhtir tu,

Ka nunna tlang mawi Kalvari;

Van lal remruat lungawina chu,

A tawk e, chatuan nunnan a tawk a ni.

3. Thiam chang ka ni, Isua vangin,

Ka mihring taksa min tifai;

Thlarau thianghlim min neihtir ta,

Thinlung thar thlarau dam nan a tawk a ni.

Lanthara Siakeng