Page 133 - Mizo Fakna Hlabu

No-130
SIAMTU KUTCHHUAK

Key-G

1. I thlir ang u Lalpa thilsiamte hi,

Chhuisen rual anni lo;

Vandumpawl karahte khian siar rualte’n,
Lungrualte’n tual an leng.

Aw, a va mawi tak em,

Lalpa thilsiam ropui takte hi;

An mawi zia hi sawisen anni lo,
Aw, kei zawng ka thlir bang theilo ve.

2. Partin leh thingtinte pawh an vul e,

Siamtu timawi turin;

Sirva vahkhuai phengphe lengte’n an bel e,
Hringmi tan lunglawm nan.

3. Fur khawthiang lenkawl a sen ruai mai aw,

Thlir ninhar kei ka tan;

Thalah pawh romei zam,
Heng zawng zawng hi siamtu kutchhuak an ni.

N0-131 NUNDAN KALO THIAM TA

Lalropuia Sailo Key-B

1. He khawvel ah ringtu zawng an tam ngei e,

Mahse, ringtu nundan thiam an tlem ngei e;
Mahse, phurrit phur leh nun chawllote tan,

Nundan thiamna zirtirtu Isua a ni.

Nundan ka lo thiam ta, nundan ka lo thiam ta,

Min zirtirtu Lal Isua amah ngei a ni;
Lungawi zel ka ching ta, lungawi zel ka ching ta,

Lungawina min thlentu pawh Isua a ni.

2. Sum leh pai hausakna duhamnate hian,

Chin lem a nei silo, lungawi tawk a har;
Retheih pachhiat pawh hi Isua tello chuan,

Tuar thiam dan a awm lo, lungawi tawk a har.

3. Retheih dan ka thiam ta, hausak dan ka thiam ta,

Tlai leh puar, riltam a awmdan ka thiam ta;
Min hmangaihtu Lalpa ka engkim a ni,

Min tichaktu ah chuan engkim ka ti thei.

Lanthara Siakeng