Page 10 - Silsilah Eyang Tirto Soebroto

Djaman tjilikanku ing Turen isih durung rame, omah arang-arang, sekolahan 2 kamar, kebon
kopi amba-amba, ing selane ana alias tjilik-tjilik, isih ana kidang saba menjang kampong
pinggiran. Mbakjuku Sutijah nalika isih umur 5 taunan, dipundut eyang menjang Madijun

nganti 3 taunan.

Bareng mbakjuku mulih menjang Turen aku diparani embah pengulu putri menjang Madijun.
Ana Madijun nganti 1 ½ taunan.

Djaman semono,embah kakung isih sugeng, embah putri isih akas lan selire embah Karsih
pada bae karo embah putri. Lan kang ana ing pangulon; ibu Naib Pilang Kentjeng putrane 3
jaiku mbakju (nj. Partowidjojo Lawang), mbakju Nok lan mas Prawoto.

Bu Prawirongutomo ing landraadan – tjedak Bengawan Madijun -sing dak weruhi putane; Mas
Mendung, Mas Ibenu, ju Anom, mas Rahmad, ju Pit, ju Ngatun. Ju Ngatun ing tembene
sawise dadi randa ping telu, banjur omah-omah lan mas Prawoto. Sakarone saprene pada
omah ing kuta Madijun, kulon alun2 lormasjid. Kedjaba iku aku sok menjang daleme bapak
Naib. Manisredjo kang wekasane dadi Naib kuta Madijun – M.B. Mohamad Djojo Besari lan

menjang Sogatin – bu lurah Djojoprawiro adine bapak Sogatin iku ija Pagotan.

Ana omah pangulon kantjaku dolan karo adik Suginun, mas Rahmad, mas Ibenu. Djaman
semono aku durung sekolah, kesenenganku mung nonton wajang dalang Guno, bareng ana

Madijun 1 ½ taun aku mulih menjang Turen, nuli wiwit sekolah.

Watara 3 taun olehku sekolah nuli tamat klas IV. Taun 1899 aku nutugake sekolah klas I x)
ing kuta Malang, ndjudjug klas V. Anggonku sekolah mung setaun, bandjur tamat. Taun 1900
aku mlebu menjang Kweekschool Probolinggo. Sabene ing Kweekschool kono murid 4 klas
iku mung isi 25. Nalika aku mlebu mung nampa murid 23. Gunggunge muride kabeh ana
42.Nalika aku ana sekolah guru, guru landa 2, jaiku tuan AG. Boes lan C. Lekkerkerker guru
Melaju mas Prijodipuro, guru Dj. R.Asmono, guru basa Maduro M.Wingjosastro, guru
gambar ngiras ukur bumi M.Wongsowidjojo.

Nganti metu sekolah, guru2 Djawa isih panggah, guru landa gont-ganti H. C. Cruis bandjur
Uiterbruck. Kalane aku ana sekolah rakjat Malang, gandenganku karo R. Prajitno saka
Kepandjen kang wekasan dadi Asisten wedono. Pensijune ana Gondanglegi tahun 1942.
Kalane aku ana sekolah guru Probolinggo, mbelingku banget. Tuladane nalika taun 1902 aku
klas II. Amarga aras2-en kakehan apal2-an aku banjur mbisu. Untuku dak gegetake, moh
guneman. Ditambani dokterbola-bali, aku emoh guneman. Saka djengkeling Directeur aku
diterake menjang rumah sakit militair ing Malang.

Ana kana nganti sesasi,-waras -, nanging ora bali menjang Probolinggo, mulih menjang Turen.
Let 2 minggu controleur Turen marani aku, dikon bali njang Probolinggo kanti aku disrengeni,

Aku bali mulih njang Probolinggo.

10