Page 17 - 17-19 di augustus 2019

A2 LOCAL
Diasabra 17 augustus 2019

Aruba Reef Care Foundation, 25 aña creando

consciencia riba bida marino

ORANJESTAD – E organisacion Aruba Reef
Care Foundation ta encarga cu conscientisa-
cion di comunidad di Aruba desde aña 1994,
pa pueblo por proteha y cuida e bida marino
di e isla.

E aña aki, nan ta cumpliendo 25 aña dedica na haci
beachnan limpi, como tambe luganan di buceo.
Cada aña, e operadornan ta lidera nan grupo riba
un area cu cada biaha ta bira mas grandi. E presen-
tacionnan na scolnan a duna como resultado e par-
ticipacion di casi 3.000 studiante pa cuida e rifnan,
beachnan y bida marino di Aruba.

Durante un entrevista cu Bon Dia Aruba a haci cu
Castro Perez, un di e fundadonan di e fundacion
aki, el a splica cu e proximo 29 di september desde
8or di mainta te cu 12or di merdia, varios grupo
manera club social, iglesia, famia y companianan lo
uni y completa e cantidad di 1.000 boluntario, pa
haci accion di limpiesa na tur beach rond di Aruba.
Ademas di esey, nan lo bay haci un reconocimento
pa nan principal sponsor y tur e fondonan cu nan
recauda e dia ey ta parti di e recaudacion di fondo
pa nan por sigui cu otro proyectonan.

“E parti mas importante di tur esaki ta mas pa con-
scientisa hende”, Perez a sigura.

Perez a informa cu un grupo di boluntario, cu ta-
batin e guianan di e fundacion, a crea ‘Alfi’ Aruba
Lion Fish Foundation, un organisacion dedica pa
conscientisacion tocante e peliger di Lion Fish.

Di mesun manera, el a destaca cu ta importante
pa muchanan haya informacion tocante e sushe-
dad den lama, tur e plastic cu ta yega eynan y cu ta
afecta oceannan y e zona costero di diferente pais.
“P’esey hende tin cu evita di haci uzo di plastic lo
mas posibel”, Perez a comenta.

Tambe el a duna di conoce cu nan ta colabora cu
un grupo cu ta dedica pa planta y restaura coralnan,
esta ‘ScubbleBubbles Foundation’, cu ta haci ac-
cionnan di limpiesa y nan tambe lo participa mane-
ra otro gruponan dia 29 di september proximo.

Accionnan di limpiesa di beachnan ta un accion
cu varios pais ta adopta y nan ta realisa cu bolun-
tarionan. Di e forma aki e beachnan ta bira un luga
miho pa e comunidad y turistanan, como tambe ta
mehora e bida marino.
E accionnan aki tin como principal obhetivo haci e
beachnan limpi di tur e sushedad cu hende ta laga
of ta yega for di lama y tambe ta busca cambia e
conducta humano, cu ta crea consciencia riba un
area limpi. Ta preocupante e cantidad di material cu
ta colecta durante e accionnan di limpiesa cu ta bay
desde siga, saco di plastic, te red di piscado.

Pa finalisa, Perez a destaca cu pa cada pida di su-
shedad cu e boluntarionan ta recoge y despues bay
recicla of hiba na otro luga, esey ta nifica cu un ar-
ticulo peligroso no ta existi mas pa e parha, turtuga
of e mesun pisca y ta restaura e bida di nan especie.

Indonesia, cu ta e di dos pais cu mayor fuente di
contaminacion marino despues di China, a uni pa
e campaña ‘Mares Limpios’ di Organisacion di Na-
cionnan Uni Medio Ambiente y a compromete pa
reduci e material di plastic marino na 70% pa aña
2025. E pais ta plania pa stop cu uzo di saco di plas-
tic, haci impulso di servicionan di reciclahe y haci
campañanan di limpiesa.