Page 30 - 30 di juli

A17
HENDE Diamars 30 Juli 2019
Diasabra a participa na diferente actividad rond di Bechtel
Summit Reserve cerando e anochi na e escenario principal
caminda e 50 mil hobennan a disfruta di un show tipo Broad-
way di Disney. Mientras cu diadomingo a tene un come-
mento combina cu e delegacion di Belize y esun di Canada.
E tres pais a sera forsa y cada un a trece algo tipico di nan pais
pa comparti durante un cena, mientras ta interactua y conoce
otro mas. E preparacion y parti di e cena a keda transmiti en
bibo pa un ekipo di filmacion di delegacion di Chile cu a pasa
esaki en bibo y por mira algun di nos hobennan scout entrev-
ista atraves di e pagina di Facebook/holapatioscout.

E actividad di aventura a continua riba dialuna caminda e
diferente patruyanan di e contingente Aruba a participa na,
entre otro, kayaking, target shooting, encuentro cu bestianan
salbahe, ziplining, bow & arrow, etc.

Pero tempo ta pasa lihe, sigur ora bo ta pasando bon y ta resta
e Contingente di Aruba solamente cuater dia mas di World
Scout Jamboree 2019. Fuera di cera contacto cu hobennan
rond mundo atrabes di nan banchi digital, ta custumber tam-
be di intercambia lenso y insignes cu otro paisnan.