Page 2 - Tamainupō E
P. 2
Nā wai te tahā i wāhi?
Ingārāomua,tērātētehirangatirakoKōkakoteingoa. HetamaitināManutongatea o te takiwā o Marokopa pātata ki Kāwhia. I tētehi rangi i arataki a Kōkako i te iwi o tanaWhaea,teiwioTeArawakitePūwahaoWaikato. Maiireiraihaerewhakateuta ki tētehi papakāinga ki Te Mānuka-o-Hotunui, ko Āwhitu te ingoa. Nō muri tata mai i tā rātou taenga atu i patua te hapū o reira ka riro i a Kōkako mā te whenua. Ka tau ki reira, ka whakatika māra kai. Ko te rangatira o te hapū rā ko Tūheitia, ā, hei utu i te muru o ōna whenua, i kāwhakina e Tūheitia ngā kai o te māra a Kōkako, kātahi ka puta anō te riri.
Kāore i roa ka kitea te nui o te mana o Tūheitia, nā konā i whakahau a Kōkako kia hoki ana iwi ki te kāinga, ki Kāwhia. Nō muri tata i te wehenga o Kōkako mā i mate a Tūheitia ki tai. Ka puta i tana tamaiti, i a Māhanga te whakapono nā Kōkako i raru ai ia, ka oatihia e Māhanga kia ngaki i te mate o tana matua.
I tana haere ki Kāwhia, i whakatika a Kōkako kia tū ki Aotea. Nō te kākarauritanga o te rā i tau ai ia, ka kite ia i tētehi hawini e whakakī tahā ana ki tētehi puna. Ka pātai atu ia ki te wahine mō wai te wai nā. “Mō taku rangatira wahine, mō Whaeatāpoko.” te whakautu. Kāti ake, kua rongo kē a Kōkako mō te wahine kātahi anō ka pouarutia, ka puta te hiahia kia tūtaki ki a ia. Ka kapohia ake te tahā ka parehe ki te papa. I tere hoki atu te hawini ki te pā ki te whāki ki a Whaeatāpoko mō te mahi a te tautangata nei. Ka tonoa tonutia e Whaeatāpoko kia hoki tonu ia ki te tiki wai, engari he rite tonu te mahi parehe a Kōkako i te tahā. Ka hoki tahakore anō atu te hawini ki tana rangatira. Kātahi i kotahi atu a Whaeatāpoko ki te puna kia whakaanga atu ki te tautangata.
I tana tae atu ki te puna, i kitea a Kōkako i reira e whanga ana ki a ia. Ahakoa i ātete ia i āna mahi whakawai, nāwai rā i moe tahi tonu rāua. I mua i tana wehenga ka kī a Kōkako, ki te puta he uri wahine, kia tapaina ko Pareinupō; ki te puta he uri tāne, ka tika, ko Tamainupō. Ka hoki a Kōkako ki tana iwi me te kore mōhio he aha i puta i tana noho tahi ki a Whaeatāpoko.
