Page 4 - Tamainupō E
P. 4
He pōriro koe?
Nāwai, nāwai ka whānau mai i a Whaeatāpoko tētehi tama. Hei herenga tonu atu ki tana matua, ka tapaina ko Tamainupō te ingoa.
Iaiaetupuana,ikiteatanakaiakatanga. Kāoreikōatuiaiamōtekaha,te moruki me te manawaroa ki tōna whakatupuranga, waihoki, kāore i roa i puta te pūhaehae i ōna hoa. I tētehi rā i puta ētehi kōrero taunu mō tana pōriro. Nā kōna, i pāmamae, ka oma atu ia ki te rapu i tana whaea.
“Ko wai tōku matua?” ko tāna ki tana whaea. I mānukanuka a Whaeatāpoko, i ngā mahi whakanene a ērā atu mō te kore o ōna matua, ka whakahoki atu, “Āna, kua pakeke koe īnāianei; nō Waikato tō matua – ko Kōkako tōna ingoa.” Nāwai rā ka tupu te kōingo i roto kia tūtaki ki tana matua.
Pakeke rawa a Tamainupō, hāunga te pakari o te tinana, me te kaiaka mātātoa o te taitamatāne e aro nui nei te katoa ki a ia. Ko tana purotu me tana kiritea tonu i rata pai ai ngā wāhine ki a ia.
