Page 6 - Tamainupō E

He tohu hē
I tētehi rangi i te whakataetae whiu teka a Tamainupō rātou ko ōna hoa. Nō muri mai i mātakitaki i ōna hoa e piu ana i ā rātou teka, i takatū a Tamainupō ki te piu i tāna. Kātahitepiu!Ihipatetekaiērāatu,ā,ititiatukingāruakūmaraituaote pae. I a Tamainupō e oma ana ki te tiki i tāna teka, i pīataata mai tana kahu whero.
Tae rawa ake a Tamainupō ki tētehi rua, ka kite i te wahine o tōna teina, a Taiko ki te rua. Mōhio kē ia kua haere kē a Taiko ki te hī ika. “Kua kite koe i taku teka?” tana ui atu ki a ia. Ka minamina atu te wahine me te kī, “Haere mai, māu kē hei rapu.”
Heke rawa te kūware a Tamainupō ki te rua. Ka tohu atu te wahine ki ōna waewae, ka kitea i reira te teka, i raro ake o ōna kūwhā. I tā Tamainupō toro atu ki te tiki, i kapohiaaketanaringaetewahinemetekumeiaiakitanauma. Ireiraimauiaia a Tamainupō.
Tākaia ana e Taiko tana aho ki tai, ka kite i mau kē te matau ki te puku o te ika, ā, mōhio tonu ia he tohu hē, he tohu o te mahi pūremu. Nā konā ka hoki ia ki te kāinga me te ui atu ki tana wahine. “Kua pūremu koe e hine?”, me te whakaatu i te tohu o te ika. “Kāo!” hei tāna, “Pātai atu ki te katoa – ao te pō au i te rua kai.”
Kāore a Taiko i whakapono atu, ka haere ki te rua. I reira i kitea tētehi kura whero i mau ki te pou o te tomokanga. Ka hoki anō ki te kāinga ka kī ki tana wahine. “Kua kitea tō hara, e hine. Anei te ika, anei hoki te kura whero nō te kahu o Tamainupō i kitea ki te rua.” I runga i aua taunakitanga, i tūngou te māhunga i te whakamā. Ka tīkina e Taiko tana tao ka puta i te whare ki te rapu i a Tamainupō me te patu i a ia.