Page 2 - Багш б.сэндэрмаа
P. 2
БАГА НАСНЫ ХҮҮХДИЙГ ХООЛЛОХ СОЁЛД СУРГАХ НЬ
2- 3 НАСНЫ ХҮҮХДИЙН ХООЛ ТЭЖЭЭЛ
2 настай хүүхэд аливаа зүйлийг бие даан хийх эрмэлзэлтэй байдаг. Тиймээс энэ
насанд хүүхдийг өөрөө зөв хооллож сурахад шаардлагатай бүх нөхцөлийг өөрт нь
тохирсон арга барилаар зааж сургах нь хамгаас чухал.
2-3 насанд нь зөв зохистой хооллож чадвал насанд хүрсэн хойно нь ч таргалалт,
зүрх судасны өвчин, хорт хавдар, чихрийн шижин зэрэг халдварт бус өвчнөөс
сэргийлэх эрт урьдчилан сэргийлэлт болдог гэж хоол судлаачид үздэг.
2-3 настай хүүхэд ямар хоолонд дуртай вэ? 2-3 насны хүүхдийн хоолны
дуршил өөр өөр байдаг. Зарим хүүхэд сүүн хоолонд, зарим нь маханд, ногоонд
дуртай байдаг. Гэвч зөвхөн дуртай хоолыг нь өгөөд байх биш бүх л төрлийн хоолонд
дуртай болгохын тулд хоолны нэр төрлийг олшруулах, хүүхдийн дур сонирхлыг
татахуйцаар бэлдэх, аягалж таваглахдаа хэлбэр дүрс оруулж өгч бүх төрлийн хүнс
хоолонд дуртай болгоход анхаарна.
2-3 настай хүүхдийн дуртай хоол нь:
● Өнгө хосолсон, тод гоё өнгөтэй.
● Сонирхол татах хэлбэр дүрстэй
●Идэхэд амар, зөөлөн, амттай
● Энгийн, давс сул
● Өөрийн нь идэх хэмжээнд тохируулсан
● Халуун биш бүлээн
● Хуурай хоолыг идэхэд хэцүү учир
хуурай болон шингэн хоолыг тэнцвэртэйгээр
аягалсан хоолонд дуртай.
БАГШ Б.СЭНДЭРМАА ЦАХИМ НОМ
