Page 6 - CMB

a7
regional Dialuna 4 December 2017
Tardansa den conteo di voto ta crea mas confusion

y protesta na Honduras

(LaPrensa/ElHeraldo) –
Tegucigalpa – Un siman
a pasa y ainda e Tribu-
nal Superior Electoral di
Honduras, encabesa pa
cuatro persona fiel na e
actual presidente Juan
Orlando Hernández, en
busca di su reeleccion, no
por finalisa e conteo di
voto.

Riba peticion di e candidato
Salvador Nasralla, cu na ini-
cio tabata mustra di bay gana
e eleccion y cu awor tin un
desbentaha riba presidente
Hernández, mester a haci
ayera un reconteo di 1006
acta electoral, cu a keda pa
haci diadomingo mainta. Sin
embargo, pa diadomingo at-
ardi no tabatin un conclusion
di esaki, mientras a bin peti-
cion tambe pa libera como
500 persona encarcela den
e disturbionan di e dianan
anterior, como condicion pa
finalisa e proceso di conteo.
E conteo mas reciente di di-
asabra tabata duna Hernán-
dez 42.92% di e votonan,
y su rival Nasralla 41.42%,
manteniendo asina henter e
pais ainda den suspension.
Cu mas di 90% di voto conta
caba, ta dificil imagina cu sr.
Nasralla lo logra pasa su rival
Hernández ainda. E anun-
cio di antemano caba di sr.
Nasralla di no acepta e resul-
tado te awor, ta crea tension
grandi, cu a desemboca den
disturbio den varios ciudad
cu a calma bastante den fin di
siman. Ta vigente un toque
de queda di 6:00 pm te 6:00
am, pa dies dia, proclama pa
gobierno Hondureño.