Page 86 - KPA
P. 86
Hefe di polis cu peticion pa cambia sitio
pa entrega lista politico
Posted on 07/27/2017 8:50 pm AST | Updated on 07/27/2017 9:28 pm AST
ORANJESTAD – Mientras cu partido AVP a ‘switch’ orario di entrega di lista otro
siman cu partido RAIZ, (RAIZ awor ta 10:30am y AVP ta 3pm) e sitio mes pa entrega e
lista, ta den disputa awor. Riba peticion di Alto Comisario di polis Dolfi Richardson,
Conseho Supremo Electoral a reuni awe tardi laat pa wak kico por haci ainda. Richardson
a confirma pa NoticiaCla awe nochi cu ela pidi minister pa ‘reconsidera’ e lugar di
entrega. Y basa riba e peticion, CNE lo a reuni. Tin preocupacion di parti di polis cu e
sitio toch lo no ta esun mas adecua pa e ‘evento’ tuma lugar esta Censo den pleno centro
di Oranjestad. “Te ainda mi no a tende e resultado di e reunion y kico e outcome tabata”
Richardson a finalisa bisando. Intento pa haya reaccion di personanan di CNE awe nochi
ainda, no a resulta exitoso, ainda.
