Page 85 - MIN VOS 14 OCT 2015

Mester di un evaluacion total di ley di AZV cu ta esun cu mas impacto riba
Aruba su presupuesto

Publication: Wednesday, 14 October 2015. Categoria: General

ORANJESTAD (AAN) – Diamars mainta a tuma lugar e conferencia di prensa di fraccion di
PDR, den cual mr. Andin Bikker a referi na e ley di AZV, cual, na su opinión, mester wordo
reevalua.

E Parlamentario a señala cu e ley aki tin hopi aña caba na vigor, y e ta esun di mas impactante pa
loke ta trata Aruba su presupuesto.

Bikker a subraya cu Aruba ta e unico país na mundo, segun’e , cu tin na belasting indirecto en
total 3.5 porciento 1.5 porciento na BBO y 2 porciento BAZB, y cu un parti asina grandi ta bay
pa inverti den salubridad publico.

E parlamentario a señala cu a bira tempo pa haci un evaluación tocante con e fondonan aki ta
wordo ubica, y si e destinacion di e fondonan aki ta esun di mas eficiente cu tin.

E lider di PDR a duna un par di ehemplo di cierto remarcanan cu PDR ta haya for di pueblo: pa
personanan diabetico, AZV ta cubri remedi pa coregi e situacion aki, pero no ta cubri remedi of
suplementonan cu ta preveni e dañonan di cierto complicacionnan cu malesa di sucu por
ocasiona.

Bikker cu pa un pildo di 7.40 fls., AZV no ta cubri pero si ta cubri e dialisis ora cu e nier daña.
Segun testimonionan cu PDR ta haya, sa sosode por ehemplo cu ora un persona bay biaha haya
tratamento afo, a base di articulo 25 y 26 di AZV, cubri pa nos seguro di malesa nan ta haya un
Dialuna un test, Diabierna otro test, y asina nan ta keda como tres pa cuater siman bao gasto,
indirectamente di pueblo, mientras cu e sistema aki no ta eficiente.

E lider di PDR a acentua cu un evaluacion, den su totalidad, mester bin, pasobra e ley aki ta esun
di mas impactante y cu mas peso riba e presupuesto di nos pais, y no por keda subi prima cada
bez sea for di e trahador of e doño di trabao, of sigui aumenta BAZV, etc., etc.

Fuera di esey mester evalua si no mester amplia e tareanan di e Ombudsman, agregando e
derechonan di e pacientnan. Esaki pasobra den exterior, na diferente pais, unda a introduci e
dimension, pasobra hopi persona cu tin reclamo situacionnan real ora nan a wordo trata como
pacient. E sistema cu tin aworaki no ta funciona optimalmente, segun Bikker, y esaki ta haci cu
hopi hende no ta entrega keho mes, locual no ta contribui na e calidad di servicio.

http://www.diario.aw/2015/10/mester-di-un-evaluacion-total-di-ley-di-azv-cu-ta-esun-cu-mas-
impacto-riba-aruba-su-presupuesto/