Page 18 - MIN ON_Neat

E transformacion di centro di Oranjestad, caminda a percura pa drecha nos centro y
converti esaki den un centro turistico caminda nos pueblo tambe por gosa di dje y
duna comerciantenan un centro mucho mas atractivo pa haci negoshi.

Den tur bario rond di Aruba, por mira cambionan a tuma luga, inversionnan cu a ser
haci, un hospital cu a worde drecha pa un miho cuido medico y un sector di turismo cu
ta sigui mira adelanto keto bay.

Nos por papia di un desaroyo na San Nicolas cu ainda no ta cla y caminda tin hopi ainda
pa haci, pero cu a mira un alivio grandi cu e proceso di reapertura di e refineria cu lo
percura pa hopi cupo di trabao.

Pueblo tambe por mira y conoce di cerca e inversionnan miyonario cu a worde haci den
enseñansa caminda mas cu 80 school a conoce cambionan y entre nan algun school
nobo cu a worde construi y ta algo cu sin duda tabatin mester.

Un adelanto grandi riba e tereno aki ya cu gobierno di MEP a para mira schoolnan
deteriora, laga plafon di school cay riba muchanan, laga edificionan decai di tal forma,
cu el a bira un peliger pa bienestar di nos muchanan.

Awe pueblo por mira tur e cosnan aki, tur e cambionan aki, nan por mira di cerca unda
placa di pueblo a bay, nan placa cu nan ta traha p’e.

A inverti miyones den bienestar di nos hendenan, caminda gobierno di AVP entre otro a
percura for di 2009 pa yuda esunnan di menos entrada, alivia e peso di nan gasto cu
entre otro cu ‘reparatie toeslag’, placa di school, aumento di onderstand, aumento di
pensioen, aumento di salario minimo, aumento di e asina yama ‘normatieve uitkering,
aumento di familielid bijslag, aumento di schoolkindertoeslag, aumento di ‘eenmalig
schoolgeld uitkering’ y otro forma di ayudo caminda cu Gobierno di AVP a percura pa
placa di pueblo, bay back pa pueblo.

Lo ta na su luga pa lider di MEP, Evelyne Wever Croes, bin mustra pueblo na unda 28
miyon cu pueblo a paga na huurmento di edificio di famia y amigonan di MEP, a bay y
den cual saco esakinan a bay,” Parlamentario Chris Dammers ta mustra.