Page 27 - AHATA
P. 27
14 AWEMainta Diahuebs, 26 April 2018
Parlamentario Michael Lampe
No tin placa den presupuesto pa stimula ‘creative industries’
DURANTE di e di tres dia di tratamento di
presupuesto 2018, miembro di fraccion di AVP,
sr Michael Lampe, a dirigi varios pregunta na
Prome Minister Evelyne Wever Croes relaciona
cu e topico di ‘sector creativo.’
“Mi a dirigi diferente pregunta na Prome Minister
relaciona cu e maneho cu lo tin pa loke ta wordo
yama e sector creativo, esta ‘creative industries,’
ya cu nos sa cu e sector creativo mundialmente na
e momentonan aki, ta un di e sectornan hopi im-
portante pa desaroyo di economia, pa stimulacion
di economia, pa stimulacion di innovacion.
UNESCO y Nacionnan Uni tin esaki halto riba
nan agenda pa loke ta trata parti di maneho cu ta
desaroyando y stimulando economia rond mun-
do.
Mi a haci varios pregunta na Minister Presidente
riba esaki pa motibo cu den e presupuesto 2018
no a aparece ningun caminda cu lo bay tin e inten-
cion pa duna stimulacion na nos sector creativo.
Ora cu nos ta papia di sector creativo of ‘creative
industries,’ nos ta papia di advertising, di comput-
er system, nos ta papia di e sector di artistanan,
musica, museo, di full un ‘creative economy’ cu ta
basa su mes tambe un parti riba cultura, y nos no
ta wak cu esaki ta bin bek den e presupuesto, loke
ta di lamenta.
Nos ta di opinion cu Aruba tin hopi di ofrece na e
industria creativo aki cu siguramente lo por forma
parti di un di e top sector pa yuda diversifica nos
economia.
Na mes momento mi a dirigi varios pregunta riba
e parti di innovacion y kico ta e vision tras di e
plan di innovacion cu tin, con ta bay implementa
esaki y con a yega na presupuesta den e presu-
puesto aki, parti pa stimula innovacion riba nos
isla y tambe kendenan ta forma parti di e team cu
tras di esaki.
Tambe a puntra si Minister Presidente por duna
informacion cuanto hende a tuma den servicio pa
traha riba e plan d innovacion aki, tambe si a
haci un estudio prome cu a traha un plan asina
aki,” Parlamentario Michael Lampe a declara.
