Page 4 - Brandweer

A10

riba cayaDiabierna 29 Mei 2015

Antisocialnan a pega sushi na candela y
casi a kima edificio

ORANJESTAD - Gay cora a canta diahuebs
mainta trempan den Caya Betico Croes na
oficina di Arcades Architects NV. A despacha
tanto unidad di bombero como polis cu ur-
gencia pa e sitio. Na nan yegada nan a constata
cu ta trata di un candela pafo, banda pabou di
e edificio.
Bomberonan a drenta accion pa paga e candela. Ta
trata di sushi cu a wordo pega intencionalmente na
candela. No por a saca afo ta ken a comete e bar-
baridad aki. Bomberonan a sa di actua lihe pa asina e
candela no a expande y bay pega e edificio.q

Presencia di polis a wordo
rekeri na entiero

CUMANA - Diahuebs mainta na momento cu famia,
conoci y amigonan tabata despidiendo di nan ser keri,
dos biaha presencia di polis a wordo pidi na Aurora Fu-
neral Home.
Mientras nan ser keri tabata wordo crema, algun persona a
dicidi di keda pafo di e edificio, y entre nan tabatin algun cu a
cuminsa haci fever cu nan auto y algun tabata cunsumi bebida
alcoholico y otro tabata toca radio duro.
Probablemente esaki ta nan forma di despedi di nan ser keri.
Na momento cu polis a yega mayoria a bay caba for di e sitio
y esunnan cu tabata presente tabata bayendo poco, poco for
di e sitio.q

ANUNCIO

Cualkiera cu ta opina di por tin derecho den un di e propiedadnan menciona aki abao, ta ser suplica
pa tuma contacto cu e notario suscrito prome cu dia 1 di september 2015:

1. un tereno propiedad cu un grandura di 2.235 m2, situa na Mahuma na Aruba, kadastral
conoci como prome afdeling sección T number 1180;

2. un tereno propiedad cu un grandura di 2.630 m2, situa na Mahuma na Aruba, kadastral
conoci como prome afdeling sección T number 1183.

Explicacion: tanto e herederonan di Sr. Hipolito Maduro, naci na Aruba 13 augustus 1920, como di Sr.
Jacob Maduro, naci na Aruba 11 juli 1903, ta haci un apelacion ariba VERJARING (caducacion) y ta
informa cu e propiedadnan menciona pa mas cu 10 (diez) aña tabata den poder di herederonan
menciona y nan tabata di buena fe.
mr H.M. Rodriguez-Taekema
Notario
SUCU / De La Sallestraat 60
Oranjestad, Aruba
Telefon: 588-2400
Fax: 588-2500
E-mail: j.decuba@notarisrodriguez.com