Page 3 - Aruba Bank, 9 May 2015

awemainta.com Online Diasabra 09 di Mei 2015

YES

ARUBA

cu otro evento sumamente
existoso

RECIENTEMENTE YES Aruba (Young Entrepreneurs
Stichting) tabatin nan evento: ‘Hardcore Sales Seminar’. Durante
e evento aki, YES Aruba a presenta dos discurso cu informacion
valioso p’e comunidad di comerciante nobo y hoben.
Sr. Pierre Rafini, Country Manager di RBC Royal Bank (Aruba)
N.V. a duna un tremendo presentacion tocante: ‘The science
of cold calls’. E otro orador tabata sr. Dave Martinus di Action
Coach kende a splica con pa ‘Close the deal’.

Segun Kawish Misier, miembro di directiva di YES Aruba a bisa:
“Mi ta hopi contento cu e resultado di e evento. E publico tabata
tremendo, e oradornan tabata hopi informativo y manera tur
otro evento di YES Aruba, e discussion cu ta tuma lugar despues
di e presentacionnan tabata uno hopi colaborativo.
E manera aki ta un di e manera nan mas facil y eficiente pa
educa entrepreneursnan nobo di Aruba. Keda pendiente pa nos
proximo evento”.

Ramsis Arends, otro miembro di directiva di YES Aruba tambe a
bisa: “E evento aki a wordo ‘sold out’ den 24 ora.
Ora nos a mira e interes di e entrepreneurs, nos a haci nos best pa
engrandece e lugar y asina habri registracion atrobe. Den menos
cu 24 ora nos a bolbe ‘sold out’.
Na final nos por a ricibi mas cu 80 hende danki na The Office Aruba
pa tabata un host perfecto y Elite Productions & Entertainment
cu a yuda nos cu e equipo”.

Miembronan di YES Aruba ta pidi pa like nan page riba Facebook
(YES Aruba) p’asina keda na altura di nan evento nan.

32