Page 2 - KPA JAN 5,2016

Ladronicia den area di Malmok a bira manera algo di high
season

Publication: Tuesday, 5 January 2016. Categoria: Policial

Turistanan ta huur cas ta bira victima

ORANJESTAD (AAN): Ladronicia den area di Malmok ta birando serio, y a bira tempo pa
cuminsa tuma medida di seguridad.

Na varios ocasion, turistanan ta skirbi riba Social Media, con nan ta hayando miedo di hasta huur
“cas” den area di Malmok pa pasa vakantie aki. Ta comosifuera cu ladron conoce e casnan aki
asina bon, cu nan sa con pa drenta y sali sin wordo nota. Tin hasta reclamo cu ora Polis yega, e
agentenan no ta ni drenta cura di cas y bay paden pa ‘tira bista’.

Durante weekend varios ladronicia a worde reporta y denuncia. Na un cas situa riba L.G.Smith
Boulevard 504, presencia di polis a worde solicita debi cu kiebro a tuma lugar.

Señora ARG di 45 aña naci na Colombia a denuncia cu desconocinan a kibra pa drenta horta den
su cas. Loke a worde horta e lo pone riba papel y e lista e lo entrega esaki na polis pa agrege na
e verbaal. Recherche tecnico a worde notifica di e caso.

Un otro asistencia cual patruya noord a atende na Malmok tambe tin di haber cu kiebro combina
cu ladronicia. E señora inicial B.A.K. y su casa inicial C.D.K. nan ta cu vacacion na Aruba y
nan a declara cu desconocinan a drenta den nan cas di vacation.

Apesar cu no tin evidencia di kiebro pero bentana supuestamente na lock ta habri.

Segun e denuncia, un di su iPhone 5 color di plata y tambe un iPad color di plata di su casa a
somenta. Ademas e caha fuerte ancra na muraya a worde ranca pa desconocinan, pero ladronnan
no por a habri e kluis ni pa nada di mundo. K a declara cu henter dia desde 12 or di merdia te cu
anochi 8:45 pm nan a sali.

Diadomingo ultimo otro kiebro den cas a worde reporta marduga, polis di Noord a presenta na e
adres y e homber M.E.D.L. a declara di a bandona cas mainta di 2 January 2016 pa alrededor di
8:30 am y e momento ey dos otro persona tabata te ainda den cas riba e di dos piso.

Ora su mayornan a bolbe anochi den careda di 10’or nan a wak porta garashi ta hancho habri .
Nan a controla den cas y nan a constata cu den cambernan listramento a tuma lugar.

E homber M.E.D.L. ta sinti falta di su holoshi Rolex, zapato color di biña di marca Cole Haan,
Samsung laptop color di plata, ademas un HP Laptop shinishi scur.

Keho ta entrega y polis a manda e verbaal pa team Recherché encarga cu kiebro den cas. Ademas
Recherché tecnico a worde informe relaciona cu posible evidencia laga atras pa e ladronnan.

Momento a yega pa esnan den Malmok cuminza pone IP Security camera pafor di nan cas, cu ta
graba imagennan di calidad halto y cu por yuda soluciona e casonan aki.

http://www.diario.aw/2016/01/ladronicia-den-area-di-malmok-a-bira-manera-algo-di-high-
season/