Page 28 - HOSPITAAL

di control di Salubridad tambe. Durante entrevista cu Sharline Koolman di e

departamento di malesanan contagioso el a splica un tiki mas di e proceso.

E ta conta cu DBZ tin e autoridd pa controla e damanan aki, pa loke ley ta regla. E

enfermeranan cu ta traha eynan ta e toezichthoudernan. Nan ta controla ora ta haya

necesario riba e parti medico. Tambe nan por haci control den bar. Por ehempel pa e parti

di higiena. Esey nan ta haci hunto cu Departamento di Higiena. Hunto pa DVG nan por

controla si e localidad y caminda cu nan ta hospeda y duna servicio si e localidad ta apto

pa haci esey. Pero esey ta sali for di e landsverordening besmettelijke ziekte. E control cu

nan ta haci, normalmente ta dos biaha pa aña, unda nan ta bay hunto. Normalmente ta bay

hunto cu polis. Tin biaha ta pidi otro departamentonan. Den pasado brandweer a bay cu

nan, otro departamento cu tambe ta haci nan control.

PAKICO E TA BON

Si un departamento duna conseho riba un parti y e otro departamento tambe duna su
conseho di biaha pa e localidad cumpli cu tur regla y e hendenan cu ta traha. Den e caso

aki, prostitutanan cu ta traha, pa tur cumpli di biaha cu tur e puntonan cu nan a haya cu

nan mester drecha. Pa e motibo ey e ta bon. Pero esey no ta kita afo, cu cada dienst, cada

departamento tin e autoridad pa controla ora cu e haya un keho of ora cu cerca DBZ, un

dama yega y duna un keho anonimo cu tal tal cos ta pasando, nan por bay y haci un

control extra. Ta haciendo esaki dos biaha pa aña pa sa cu e luganan ta den un bon estado,

e cuarto, e localidad cu ta wordo uza tambe ta cumpli cu regla. Pero banda di esey, e

dienstnan tin e autoridad pa controla extra.

Segun Sharline Koolman un animeerdame ta drenta normalmente riba diadomingo. E

doño di bar ta haci un peticion na Dimas. Dimas ta mande un carta cu e persona por