Page 12 - aruparking sept 23 2015

Automobilistanan custumando cu e
restructuracion di stacionamento den centro
di ciudad

on: Wednesday, September 23, 2015In: LocalNo Comments
Print Email

Despues di 2 siman di operacion por mira cu mas y mas di nos automobilista ta custumando cu e
sistema nobo di parkeermeters y haciendo miho uzo di e parkeervaknan. Actualmente por a nota
con tur caminda e parkeervak nan ta cuminsa yena, caminda cliente nan por yega y parkeer
dilanti negoshinan pa baha y haci nan compras nan. Den fin di siman tras di lomba, tabata tin
masha hopi comentario positivo di e clientenan cu awor por bishita nos centro di ciudad y haya
luga di parkeo, hopi cerca di caminda nan mester a bay haci nan compras.

Esaki ta ilustra cu e organisacion di stacionamento den centro di ciudad ta un realidad, pasobra
tur caminda por mira menos autonan mal staciona. Autonan staciona riba acera, na crusada y
tambe na e sitionan cu no tin parkeervak marca, tanto blanco of geel, a cuminsa pasa pa pasado.
Por sinti un alivio ora ta core den centro di ciudad y ora di bishita tienda hayando un luga di
parkeer facilmente y lihe.

Nos a combersa cu nos clientenan cu ta haciendo uzo di e parkeermeters y ta di opinion cu
enrealidad e ta facil pa custumbra cu e mashinnan aki. Poco poco e ta birando un placer pa yega
y staciona bo vehiculo facilmente. Mirando cu siman pasa ainda a anuncia algun ahustacion di
tarifa, caminda a duna un reduccion di 20 % pa e parkeer vergunninghoudernan. Tambe a
introduci e tarifa di 1 florin pa mey ora y 2 florin pa 90 minuut, cual ta haci uzo di e servicionan
di Aruparking mas atractivo .

E trahadonan den centro di ciudad awor por haya nan luga di staciona mainta mes ora y no
mester core rond busca luga pa basta rato y sin por haya, cu consecuencia cu ta gasta hopi tempo
extra y tambe gasolin. Merdia tambe mirando cu hopi mester sali bay busca yiu na scol awor por
bay trankilamente y ora di yega nan tin nan luga automaticamente ta warda riba nan pa staciona
sin ningun problema y awor pagando menos mensualmente. Esaki ta algun di e cosnan cu ta cay
den masha bon tera cerca e trahadonan caminda diferente di nan a duna comentarionan masha
positivo na Aruparking.

Aruparking ta sigui haci tur cos posibel pa regula e stacionamento den centro di ciudad y si ainda
un hende falta su parkeer vergunning e por pasa libremente na nos oficina na Wilhelminastraat
13 of yama nos na 520-2323, tambe por bishita y like nos facebook page
facebook.com/Aruparking y asina keda na altura di tur informacion cu nos tin pa ofrece na nos
clientenan.