Page 53 - FUNDASHON LOTTO PA DEPORTE

Den nan wega di despedida di Division Honor, SV Juventud Tanki Leendert a enfrenta SV Caiquetio,
un gesto positivo ya cu nan a logra sera un oncena completo, comparando cu loke a pasa e siman
anterior, hasta cu reservanan sinta riba banki, p’asina hunga futbol na deleite di esnan presente y nan

fanaticada den un bunita prestacion deportivo. Caiquetio ta den nan weganan di “fogeo” p’asina
hunga pronto den play-off di ‘promocion-degradacion’, ademas di esey no tabatin otro incentivo pa
cu wega aki, otro cu deportivismo y honor.

Caiquetio a domina for di un principio caba y hasta a haya un gol facil den pianan di Rishair Gomez
apenas na minuut 3, p’asina hasi e wega 1-0 pa Caiquetio, Rishair mes no por a kere su suerte ora e
bal a cai net dilanti dje y el a probecha pa anota pa su ekipo. Mas atakenan di e oncena di Paradera a

sigui despues di e prome gol ey, na minuut 12 ta Emigene de Cuba ta anota pa Caiquetio atrobe pa
hasi e wega 2-0. Juventud a cuminsa purba mas y sali busca un gol y drenta wega, awo cu mas
iniciativa pero cu falta di yegadanan di calidad. Caiquetio mes a hala un poco atras despues di e di

dos gol dunando Juventud mas espacio ariba, pero nan calidad dilanti gol tabata falta, Caiquetio hasta
a logra “slow down” e ritmo di e wega na nan fabor, pero cu pasenshi toch Juventud a haya algun
yegada, hasta na e punto di anota un gol pa corta bentaha na minuut 40 pa medio di Aldrick Jacobs

p’asina drenta den e wega. Halftime a bay aden asina mes tambe cu e anotacion di 2-1 na fabor di
Caiquetio.

E di dos tempo cu un Juventud cu mas vigor ta cuminsa bastante competitivo y ta Juventud mes a

tuma control di wega, pushando Caiquetio atras den nan zona di defensa, esaki tabata debi tambe na e
cambionan multiple cu nan por a hasi door di e profundidad di nan banki, pianan fresco cu a duna
nan protagonismo, en comparacion cu Caiquetio, cu net contrario, tabatin un banki limita, cu awor a

cuminsa afecta nan. E desgaste fisico di Caiquetio a yega nan un punto unda tabata parce cu Juventud
lo por a bay saka probecho pa hasta gana e wega, ya cu Caiquetio no tabatin contesta pa e iniciativa
di Juventud, pero, chens tras di chens a wordo desperdicia pa e oncena di Tanki Leendert. Nan

presion riba Caiquetio a sigui pa gran parti di e di dos tempo, Caiquetio no tabatin salida, pero
Juventud tampoco por a dal e golpinan fulminante pa empata y bay ariba, si por lo menos nan tabatin
e talentoso Andres Caicedo disponibel pa e wega aki,

nan a purba pero no tabata nan dia, no tabata tampoco nan temporada den Division Honor.

Cu tur e iniciativa y dominio di Juventud, ta un banjo di awa friew mes nan a haya na minuut 83 ora
cu Caiquetio den un contra-atake a haya un penalty y gol converti pa Emigene de Cuba pa e 3-1 na

nan fabor. Akinan tambe Juventud a “desploma” y a realisa cu nan no tabata por mas, e ultimo