Page 56 - lAYOUT NEW 1300 X 1920 mei 17.pdf

56 DEPORTE

DIALUNA 17 DI MEI 2021

RAFAEL NADAL TA RECORDA NOVAK

DJOKOVIC KEN TA REY RIBA KLEI

Diadomingo mainta (ora local) wega fi-
nal di Internazionali BNL d’Italia a tuma
luga, caminda e final a wordo disputa
entre dos grandi di tennis di e ultimo

añanan, esta Rafael “Rafa” Nadal y No-
vak Djokovic.

Den wega di kwart final, Novak Djokov-

ic a wordo salba pa awasero cu a sus-
pende e wega contra Stefanos Tsitsipas
momentaneamente, kende tabata hun-
gando bon wega, pero ora cu a reanu-

da, Djokovic a sa gana e wega aki den
tres set pa pasa pa semifinal y despues
final contra Rafael Nadal.
E wega final tabata un bon bataya en-

tre ambos tenista. Rafael Nadal den e
prome set a logra gana esaki 7-5. Den
e di dos set, Novak Djokovic a domina e
set aki por completo y a gana esaki 6-1,

forsando asina e di tres set.
Den e di tres set, Rafael Nadal a recorda
Novak Djokivic pakico nan ta consider’e
e rey riba klei. Nadal a gana e set aki 6 -

3 y asina pa di 10 biaha ta bira campeon
di Internazionali BNL d’Italia, torneo va-
lido pa ATP 1000.
E wega aki tabata un bataya di casi tres

ora. Den e di dos set Djokivic a probe-
cha un descuido di Nadal pa asina bay
cu e di dos set, forsando e di tres y cos
no tabata mustra bon den e di tres set,

pero Rafael Nadal a sa di recupera pa
gana e gran final aki.

Rafael Nadal a gana e titulo aki na 2005,

2006 y 2007, 2009 2010, 2012, 2013,
2018, 2019 y awor na 2021.