Page 6 - Min Social , april 11,2015
P. 6
awemainta.com Online Diasabra 11 di April 2015
Concierto Dominical Donny Lacle di dia 29 di maart ultimo DIADOMINGO dia 29 maart ultimo a tuma lugar den The
A trece cara nobo treciendo hopi French Steakhouse di Manchebo Resort & Spa e Concierto Domini-
ambiente den The French Steakhouse cal Donny Laclé, di e luna di maart 2015.
E biaha aki dos grupo “nobo” a presenta y nan a “pas ” bon den
nos programa di custumber.
E concierto a cuminsa cu un tremendo presentacion di Branti-
makka cu ta consisti di 3 musico: Sahit Dijo, cantante y tocado
di keyboard, Theo Dwarka-Panday y Randy Sandriman tur dos
cantante y guitarista.
Nan nomber ta bisa bo caba cu na ta di origen Surinam, pero nan ta
toca tur tipo di musica popular, blues, salsa, musica crioyo na Pa-
piamento, Hulandes, Ingles, Spaño y naturalmente Sranan Tongo.
Nan ultimo cancion: “Na Paranda we de go” a pone e publico pidi
pa mas.
Despues a sigui “Melodia”, un grupo cu ta consisti pa gran parti
di musico y cantante hoben, bou guia di Rubin Ponson, cu for di
fin di aña pasa ta hopi den noticia, te cu nan a saca un CD. Nan a
participa tambe na “Un Canto pa nos Himno y Bandera 2015. Tur
cantante a clasifica y nan a sali na di 4 lugar.
Un presentacion di calidad, di e.o. e canticanan Mi Aruba, Nos
Wacharaca, Potpuri di tumba tradicional a impresiona tur hende,
cu hasta a forma coro.
Despues di nan presentacion Rubin Ponson a entrega e MC nan
ultimo CD, porcierto un bunita Cd, cu ta contene diferente cantica
crioyo y tambe un homenahe na Rudy Plaate compaña e.o. pa e
bunita melodia di e mandolin. Un bunita gesto.
Durante pausa a pasa rond cu e “Cashi di Glas”, den cua tur pre-
sente por a haci nan donacion cu na fin di aña lo beneficia diferente
hoben talento musical cu un yudansa financiero pa cu nan estudio
di musica. Finalmente a presenta “Los 3”. Manera nan nomber ta
bisa, un grupo cu ta consisti di tres musico: Vito Franken, guitara
y cuarta; Eric Ignacio, guitara y bajo y Eric Uchtmann, sinfonia
di man. Nan a presenta un programa varia, tocando entre otro
e ranchera Volver, Volver; e wals Aura; e danza Erani, bolero y
potpuri di tumba y mas. Un presentacion bunita y diferente, spe-
cialmente dor di e sinfonia di man, cu tin poco musico ta toca ainda
Na final di cada presentacion e gruponan a ricibi un Certificado
di Aprecio pa gradici nan pa nan presentacion.
Tur hende keda pediente p’e siguiente concierto cu lo tuma lugar
dia 26 di april awor.
18