Page 16 - KPA 8 DEC 2015

E CASO DI E BOUNCER

E bouncer cu a keda herida dialuna marduga na e club nocturno Olde Molen, ta bringando pa su
bida awe nochi. Fuentenan cerca di su famia a confirma na NoticiaCla.com awe nochi, cu Freddy
Montes, conoci como “pequeño”, su situacion no ta mucho bon, y cu ta teme pa su bida, debi na
e heridanan cu ela sostene. Mes momento, amigonan ta poco incomodo con e caso ta
desaroyando. Esaki pasobra nan no ta tendiendo nada riba e caso, siendo cu hopi di nan tin
informacion, manera testigonan ocular cu a wak tur cos sosode, y cu conoce e persona, cu a los e
tironan cu a herida Montes, y cu a resulta fatal pa e colega bouncer Bongo, cu a fayece awe
marduga.

CONOCIDO DI POLIS

Aparentemente tin informacion cu a wak e persona culpabel, inicial M.T, canando rond awe. No
tin ningun informacion policial riba e caso, aunke cu na comienso di dia, Minister di Husticia
Arthur Dowers, a confirma na prensa cu polis tin pista riba e persona, y cu e lo ta un ‘conoci di
polis’. Segun e mandatario a bisa durante un conferencia awe mainta, cu “ ya e persona aki tin
bista riba dje, y cu nos ta spera cu dentro di algun ora lo bay over pa su detencion”. Informacion
cu NoticiaCla.com a logra compila, ta cu e persona aki tabata cera pa un tempo, y cu algun
tempo pasa e la recobra su libertad.

E CASO AWE MAINTA

Tabata 4:40 awe madruga, cu e melding a drenta, di un caso di bringamento cu tiro na de Olde
Molen, cu a laga un persona morto y otro seriamente herida. Ora cu dos bouncer di e club
nocturno, na e club a bai intermedia, a cuminsa un bringamento, unda un di e bouncernan a keda
mortalmente herida. Informacion cu Noticiacla.com tin, ta cu el a fayece na hospital, mientras e
otro ta herida, y tambe a wordo transporta pa hospital. Vocero di polis Lito Lacle a confirma, cu
e bouncer cu a fayece, ta Damian Aldwayne C.A., miho conoci como 'Bongo', naci dia 26 di
october di 1978. Dokter Reeberg a constata morto 4.58 am.

http://www.noticiacla.com/news/4580