Page 43 - AHATA

Wiersma a presentá dos artíkulo sientífiko titulá: "SONORO Project: the sampling and
recruitment process to build the SONORO community" i "Communication strategies supporting
the recruitment process to build the SONORO community". E artíkulonan ta basá riba e
selekshon di e partisipantenan (recruitment) i komunikashon rondo di e establesimentu di e
komunidat di SONORO pa Kòrsou. E komunidat aki konsistí di habitantenan di Kòrsou ku lo

yena varios enkuesta durante e periodo di algun aña. Ku e panel di kasnan aki lo por hasi
inverstigashonnan sientífiko tokante di e bida na Kòrsou. E investigashonan lo ta basa riba
diferente temanan manera salú i asuntunan finansiero. Wiersma lo investigá e aspekto di
asuntunan finansiero komo parti di su PhD bou guia di Prof. Rob Alessie. Dr. Renske Pin lo

investigá e aspekto di salú. Tambe nan lo investigá kon balornnan kultural i balornnan social ta
influensia salú i asuntunan finansiero. Finalmente nan lo investigá si tin relashon entre salú i
asuntunan finansiero. Apart di Drs. Wiersma i Dr. Renske Pin, e tim di SONORO ta konsistí di
Dr. Merel Griffith-Lendering, Corrie Vis ku ta e mènedjer di e panel i Corrie Vis ku ta e mènedjer
di e proyekto. E proyekto ta isibí apoyo finansiero di e organisashon Hulandes pa estudionan
sientífiko (NWO). E investigashon aki lo wordo hasi den kolaborashon ku Univèrsidat di

Groningen, Curaçao Biomedical and Health Research Institute (CBHRI) i CentERdata.

Apart di Wiersma, dos otro investigadornan sientífiko a presentá nan investigashonnan den e
mesun seshon. Tabitha Espina Valesco for di Guam (Micronesia) i Profesor Elaine Stratford for

di Tasmania (Oustralia) a presenta nan investigashonnan. Despues di e presentashonnan aki, e
públiko presente por a interkambia di pensamentu over di e artíkulonan sientífiko di Wiersma,
Valesco I Stratford. E konferensia tabata 6 dia largu i tabata tin aproksimadamente 150
investigadornan presente for di mas ku 45 diferente isla. Durante e konferensia un total di 106

artíkulo sientífiko a wòrdu presentá. Ademas, 4 ‘keynote speakers’ a duna presentashon
tokante di e temanan prinsipal di e konfersia kual tabata: Identidat i hende humano, Geografia i
naturalesa, Desario ekonómiko i gobernashon.

Teksto bou di potret 1:

Investigadónan sientífiko di SONORO Dr. Renske Pin (links) en Drs. Jasmira Wiersma (rechts)

na e di 16 edishon di e konferensia ISISA Islands of the World Conference 2018.

Teksto bou di potret 2:

Investigadó sientífiko di SONORO Drs. Jasmira Wiersma (mei mei), i e otro presentadornan
Tabitha Espina Valesco for di Guam (Micronesia) (links) i Profesor Elaine Stratford for di
Tasmania (Oustralia) (rechts).