Page 12 - AHATA

cu tambe ta aporta na turismo di nos isla”, asina Melanie Lacle, Operations Manager di

Eco Destination a conta. E ta un di e invitadonan den e seccion “Ami ta Turismo”

presenta pa AHATA.

“Durante planning, den cuadro di preparacion di nos programanan, nos ta pasa masha

pret na trabou y na final ta masha great pa topa gruponan cu ta bini nos isla pa pasa bon”,

esaki parti di e trabou di tur dia di Melanie Lacle na Eco Destination.

E compania mes ta existi casi 30 aña caba na Aruba. Nan ta traha hopi cu e gruponan di

incentivo cu ta bini nos isla y tambe ta organisa nan eventonan, ricibi nan na aeropuerto y
asina por sigui menciona.

Siendo un empleada orguyoso di Eco Destination, Melanie Lacle ta contento di comparti

cu regularmente e compania ta duna bek na comunidad. Y hopi biaha nan ta haya

clientenan, cu ta companianan grandi cu ta bin Aruba pa pasa bon pero na final kier duna
algo bek. Esaki ta e tipo di gruponan cu prome cu nan bandona Aruba ta yuda verf scol,

ta regala computernan na scol, otronan ta traha bookshelfs cu despues a regala por

ehempel un biblioteca y asina lo por sigui menciona.

Melanie Lacle a splica cu su contacto cu clientenan ta inicia for di algun luna adelanta
caba, ora ta planea e biahe y e eventonan. Di e forma aki ta cera un amistad cu clientenan

y na final, ora nan regresa nan pais, ta mustra comosifuera cu nan conoce otro pa hopi

aña caba.

Na final, el a expresa cu su meta tur dia ta pa sirbi nos turistanan miho posibel y demostra
tur hende cu ta hunto so nos por logra…y bisa orguyosamente cu “Ami ta Turismo”.