Page 29 - Min.On Feb 25, 2015
P. 29
Dominio di contenido di e buki y e habilidad di e participantenan pa formula nan contesta corectamente
a resalta grandemente. Banda di e hecho cu nan a preparara hopi bon, e bentaha di instruccion den nan
lenga materno na scol, tabata remarcabel. Por a nota cu e participantenan di ambos scol tabata sinti nan
mesna smak.
E di dos tanda lo tuma luga dia 27 di februari entre Emmaschool y Scol Paso pa Futuro y di tres tanda na
mei entre Scol Caiquetio y Emmaschool. E puntonan ta sigui conta y na final di edi tres tanda lo conta tur
punto pa saca e ganador y e dos finalistanan.
Comision Quiz di Lesamento y directiva di FBNDD ta gradici e scolnan pa prepara e studiantenan y e
studiantenan pa nan interes y empeño.

http://www.24ora.com/local-mainmenu-5/92178-di-dos-rondo-quiz-di-lesamento-pa-scolnan-special

Lorna C. Jansen-Varlack: Studiantenan di tercer grado di
IPA a bishita Parlamento

Tuesday, 24 February 2015 18:07
Comparti

45 Studiante di tercer grado di IPA y 4 docente a bishita Parlamento e.c.c. cu e vak Perspectiva Mundial.
E vak aki tin 4 pia (beneficio, planeta, hende y participacion politico) y esaki ta e acercamento cu IPA
ta mantene pa cu desaroyo sostenibel: e balansa entre beneficio, planeta, hende y pa via di participacion
politico ta yega na e balansa. E vak aki tambe a forma parti di e preparacion di e studiantenan pa cu nan
stage den exterior. E.c.c. cu e ultimo pia cu ta participacion politico a dicidi di haci un bishita na
Parlamento di Aruba. E studiantenan a wordo ricibi door di miembronan di e fraccionnan den
parlamento y despues di un introduccion cortico e studiantenan por a dirigi preguntanan y expresa nan
preocupacionnan na e parlamentarionan presente pa cu varios topico cu tawatin di haber cu desaroyo
sostenibel. Na e manera aki e studiantenan por a experiencia e “bestuur” cu ta influencia e balansa desea
entre beneficio, hende y planeta (prosperidad, inclusion social y medio ambiente). E entrecambio entre e
studiantenan y e parlamentarionan tawata agradabel unda representantenan di pueblo por a scucha e
inkietudnan di studiantenan hoben cu ta den den pleno preparacion pa nan futuro. Fraccion di AVP ta
desea e studiantenan hopi exito cu nan stage den exterior cu por cierto lo cuminsa e weekend aki y pa
unda nan destinacion lo por ta, pa nan laga un bon imprecion di pais Aruba atras!
   24   25   26   27   28   29   30   31   32   33   34