Page 26 - LOTTO

Diasabra ultimo, Arubaanse Zwembond seccion landamento sincronisa a organisa e ASU

Synchronized Swimmng Figure Competition, celebrando asina e ASU Olimpiada 2017,

esaki mas cu claro den Piscina Olimpico Savaneta.

E competencia a consisti di solamente e parti tecnico tabata den e categoria U10 den cual

tabata 2 atleta participante, den 12 and under tabata tin un total di 10 participante

mientras den e categoria 13-15 anja tabata tin 5 participante. Pa loke ta e categoria Junior

tabata tin 7 participante, y por ultimo den e senior tabata tin un participante so cu tabata

Neftaly Albertsz. Mester bisa cu a base di e resultado nan di e testnan Tecnico(cu cada 4

anja ra cambia) lo forma e seleccionnan, y specialmente esnan cu lo landa Solo y Duet pa

Aruba den exterior. E resultado final ta como lo siguiente den junior: 1. Abgail de Veer

cu 65.734, 2. Kainah Croes cu 63.856 3. Anastasia van Daal cu 61.996 4. Meghan Tromp

cu 61.187, Maryjane Wong cu 59.118, Zurienne Dabian cu 57.545 Sarah Silva cu 52.195

E deporte di landamento sincronisa ta sigui hasi un bon papel den exterior.

E anja 2017 tabata uno bon pa e nos atletanan di synchro caminda a logra varios

premionan grandi den nos region y continente. Den e weekend cu a pasa mes, e atletanan

Kyra Hoevertsz y Shelby Kasse a logra medaya di Oro y Brons den e Open di Argentina

na Buenso Aires. Un danki sigur na Lotto, e Loteria di Aruba pa medio di Comision di
Subsidio cu a subsidia e competencia di landamento sincronisa enconexion cu e ASU

Olimpiada 2017.

Cumprando weganan di Lotto, e Loteria di Aruba bo ta contribui na deporte riba nos isla.

Meta di e fundacion ta pa organisa loteria, cambia bida di su hungadonan y na mes

momento inverti den deporte local pa medio di donacionnan na e comision di subsidio.