Page 28 - MIN.SJA MAY 7

Minister Paul Croes: Maneho di Hubentud ampliamente
trata den Parlamento.

W ednesday, 06 May 2015 18:37
Comparti

Durante tratamento di presupuesto Minister Paul Croes tabatin elogio pa parlamentarionan cu a dirigi
atencion specifico riba e maneho dirigi nan nos hobenan y muchanan na Aruba.
"Hopi pregunta encuanto abuso di mucha y tambe e direccion cu nos hobenan ta den dje. Esaki sigur ta
hopi positivo di parti di Parlamento di Aruba. Parlamentarionan a hasi preguntanan sigur concreto y
corecto encuanto e posicion di Buro Sostenemi den cuadro di abuso di mucha. Durante di e tratamento a
keda presenta un mocion riba e topico aki", Minister Paul Croes a mustra. Tambe durante su
presentacion Minister Paul Croes a mustra Parlamento riba e importancia di e estudio cu Universidad di
Aruba a hasi riba norma y balornan di nos hobenan na Aruba. "Esaki mi ta considera un estudio
sumamente importante y sigur mi ta considera esaki como fundeshi pa crea maneho riba dje. Pa tur
sector den nos sociedad esaki ta importante. Mi ta convenci di potencial di nos hobenan na Aruba"
minister Paul Croes a bisa den reunion publico. Conforme cu rapport di Unicef y tambe trabounan
importante hasi den e veld social, un maneho integral di hubentud ta necesario y positivo. Coordinacion
entre departamentonan, intercambio di informacion entre stakeholdernan, cooperacion entre
partnernan social tur esaki ta forma parti di e maneho integral di hubentud y muchanan di Aruba.

http://www.24ora.com/local-mainmenu-5/94856-minister-paul-croes-maneho-di-hubentud-
ampliamente-trata-den-parlamento