Page 13 - awem june 10

AWEMainta Diaranson, 10 Juni 2015 13

Representante di Reino

Gilbert Isabella

ta topa cu
studiantenan di
Hulanda Caribense

DEN HAAG – N’e momentonan aki Representante

di Reino, Gilbert Isabella ta na Hulanda p’e siman di
Hulanda Caribense (CN-week).
Durante di su estadia el a traha tempo pa un encuentro
cu studiantenan procedente di Bonaire, Sint Eustatius
y Saba cu ta studia na Hulanda.
Esaki ta di tres biaha cu e ta hiba còmbersacion cu
studiantenan. Temanan di còmbersacion tabata
entre otro mas posibilidad pa stage, ‘traineeship’ y
oportunidad di empleo dentro di Rijksdienst Caribisch
Nederland (RCN).

Wendy na Tanki
Leendert a haya
bishita di ladronnan

PRESENCIA di Polis a wordo pidi dialuna 02.54,

na Wendy’s Tanki Leendert unda ladronnan a drenta.
Eynan e guardia di Safecom, ta bisa cu ora cu el a yega
n’e negoshi, el a mira tres desconoci sali dor di e bentana
di e drive thru y a core bay direccion pazuid.
Polis a nota cu e bentana a wordo forsa unda e ladronnan
a drenta. Ora cu e manager a yega, Polis a mira cu
e porta di e oficina ta completamente destrui y cu e
ladronnan a purba habri e caha fuerte, pero no a logra.
Tur locual cu a pasa ta graba riba e vidio y e caranan ta
conoci. Polis a tuma e keho, y e video lo wordo entrega
na Departamento di Recherche.