Page 27 - awem june 10
P. 27
AWEMainta Diaranson, 10 Juni 2015 27
Grupo Wescet
di Aruba a
bishitá Bonaire
KRALENDIJK -- Grupo WESCET di Aruba a bishitá Bonaire
siman pasá. WESCET ta para pa: Wak E Stail Chèk E Trep.
Ta trata di un grupo di hende muher físicamente desabilitá,
sintá den ròlstul, pero sin cu nan desabilidad ta stroba nan
di gosa di bida. Ta trata di damanan hopi alegre y cu tin nan
propio grupo musical.
Pa diferente di e personanan aki tabata nan promé bishita na
Bonaire. Nan a keda agradablemente sorprendi p’e hecho cu
no leu for di Aruba tin un isla asina bunita manera di Bonaire.
Loke a haci hopi impresion riba e promé bishitantenan aki
di Bonaire t’e trankilidad y espacio cu e isla ta brinda.
«Ami tin gana di keda biba Bonaire», un di e miembronan di
WESCET a bisa na coresponsal di AWEMainta na Bonaire.
El a conta cu nan a move rònd Bonaire pa conocé e isla. For
di diamars te diadomingo nan a keda Bonaire, participando
tambe den basta actividad. Diabièrnè nan tabata na Cunucu
di Siso y Violena Oleana. Siguiendo dia na Cunucu di Al
Winklaar na Tra›i Montaña.
Diasabra atardi, serando nan bishita na Bonaire, e ekipo di
FuHiKuBo a haci un grabacion cu e grupo aki pa televishon.
A papia cu e miembronan y musica a cay. Dentro di e grupo
tin un grupo musical yamá ‹Bula Fius›. E grabacion tabata
na Captain Don›s Habitat. Brenda Rasmijn-Maduro, lider, a
bisa cu e grupo di WESCET a keda sumamente contento cu
e bishita na Bonaire.
