Page 16 - VOS 27 JUNI 2015

18 AWEMainta Diasabra, 27 Juni 2015

CONOCE

E ATLETANAN

ARUBACU LO REPRESENTA

DPAENNAWMEEGRAICNAANNO

TORONTO 2015

NO falta mucho pa inicio di e gran celebracion den deporte di e continente Americano

conoci como e Weganan Panamericano. Cada 4 aña dicho weganan ta tuma lugar,
mientras e aña aki e ciudad di Toronto, Canada, a toca turno pa host e di 17 edicion di
Weganan Panamericano. Manera semper e participacion di atleta lo ta uno grandisimo
unda alrededor di 6500 atleta for di 41 pais di nos continente lo haci nan maximo
esfuerso defendiendo e bandera di nan pais.

Nos dushi isla di Aruba tambe lo forma parti di Weganan Panamericano di Toronto 2015.
Pa mas di un ciclo nos atletanan elite ta preparando duro p’e diferente weganan den nos
region y continente manera Weganan Suramericano (Odesur) y Centro Americano y
del Caribe sin lubida e propio competencianan internacional cu e atletanan ta participa
na dje.
Cu grato placer COA a anuncia cu e aña aki e delegacion di atleta lo t’esun mas grandi
di historia.
Es mas, tur e atletanan aki a pasa e proceso di clasificacion, algun pa medio di
acumulacion di puntuacion p’asina logra yega Weganan Panamericano, otronan pa
medio di un resultado sobresaliente den torneonan clasificatorio, algo sigur historico.

Loke ademas ta remarcable ta cu, caminda cu 4 aña pasa Aruba su delegacion tabata
consisti di atletanan den 5 deporte, e biaha aki no menos cu 10 deporte – pues dobel
e cantidad di deporte, compara cu na Guadalajara 2011 – a logra gana e derecho di
participa n’e weganan continental.
Desde inicio di Weganan Panamericano dia 10 di juli te cu e ultimo dia 26 di juli,
un total di 25 atleta den 10 diferente deporte lo midi forsa contra e mihor atletanan
di e continente America. No tin duda cu nos dushi isla di Aruba por conta riba un
representacion digno den Weganan Panamericano di Toronto 2015.