Page 41 - KPA

- Advertisement -

ORANJESTAD,(AAN); Den Corte na Hulanda, e abogado Richard Korver a menciona
durante tratamento caso di Mitch Henriquez, cu tin imagennan capta con un di e cinco
polisnan ta hala riba un curpa di Mitch cu no ta move mientras un otro ta hale abao.
Esaki no ta cuadra cu e pronunciacion di e polis, esta e Arubano te na final di su aresto
a keda resisti.

Ademas lo por a wak imagennan cu nan lo no a wordo mustra den Corte, esta con
Henriquez su cabez ta bira biña.

Abogado Korver a exigi Dialuna mainta pa wanta e caso y pa asina ministerio publico
por investiga e imagennan nobo.

Parce segun version e abogado cu Rijksrecherche e imagennan aki posiblemente
intencionalmente a tene nan atras pa corte di justicia.

Abogado a yega na e imagennan ora cu a busca un oficina di recherche. Rijksrecherche
lo tin e imagennan original, hopi mas imagennan skerpi tambe por a haya nan segun
abogado Korver a laga sa.

Corte a dicidi pa no wanta e caso pero ta pidi abogado Korver pone e imagennan den e
expediente pa asina ainda lo por dicidi si por of no investigacion adicional por tuma
lugar.