Page 98 - KPA

preventie medewerkster di Fundacion Respetami, ta comenta cu e ta poco fastioso pa

menciona e parti di duna cifra aki na Aruba.

Por ehempel for di Bureau Sostenemi, e casonan cu ta drenta ta sospecho, djey ta sigui e

parti di investigacion. Na aña 2015, tabata tin 39 caso di sospecho, incluyendo hende

homber y hende muhe.

Na 2016, e cifranan aki a baha pa 28 caso cu a drenta, cu tambe ta sospecho y pa e aña
aki 2017, na Augustus, el a bolbe baha pa 20. Tin di bisa cu esakinan ta e sospecho.

Ainda e parti di investigacion tin cu tuma luga, pero toch a wak e cifranan aki basta halto
cual eigenlijk si lo ta pa e fundacion, no mira ningun caso relaciona cu abuso sexual di

mucha. Una bes cu un mucha wordo abusa, su bida ta wordo marca pa semper.

Tin di bisa tambe cu internacionalmente, UNICEF ta menciona e cifranan. Na 2016,

muchanan bao di 20 aña, mucha muhe globalmente, 120 miyon a wordo abusa
sexualmente. Den e caso di mucha homber, na 2012, tin di bisa cu 73 miyon mucha

homber a yega di wordo abusa tambe sexualmente. E cifranan si tin di menciona cu nan

tin un diferencia pa motibo cu hopi biaha mucha homber tin e tendencia di no raporta

casonan relaciona cu abuso sexual, pa motibo di miedo of e parti tambe cu ta sinti cu nan

no ta bay wak’e manera un mucha homber.

Sospechonan

E cifranan mes e fundacion no tin. Pero si a yega di toca na nan porta cu sea cu durante

un presentacion cu nan ta duna na scol, muchanan mes a yega di acerca nan pa menciona
cu nan a yega di ta victima di abuso sexual. Den e casonan aki e fundacion tin tur e