Page 56 - MIN TTC - JUNI 3,2015

Minister Otmar Oduber presente na e retreat di mercadeo
di mercado Norte Americano

Publication: Wednesday, 3 June 2015. Categoria: General

ORANJESTAD (AAN): Minister Otmar Oduber ta biahando diaranson pa New York pa asina
atende e retreat di mercadeo pa loke ta mercado Norte Americano cu ATA ta organiza tur aña.

Minister Oduber ta atende e retreat aki pa hunto cu ATA y partnernan di Norte America delinea
loke ta e maneho di mercadeo pa nos isla, evalua loke a worde haci y con ta e mihor manera pa
continua.

E reunion aki ta hopi importante mirando cu ta trata di nos mercado turistico principal y ta
importante pa no solamente mantene e resultadonan positivo cu ta logrando for di e destinacion
aki, pero mehora esakinan tambe.

Durante dos dia lo atende cu diferente tema di importancia pa mercadeo di Aruba den e parti di
Norte America. Entre e temanan cu lo haya atencion por menciona e parti di mercadeo digital,
social media, mensahenan, bishitantenan cu ta bin pa prome biaha, bishitantenan cu ta bin
diferente biaha , e enfoke riba e turistanan afluente y diversificacion di nos turismo tanto
geografica como demograficamente.

http://www.diario.aw/2015/06/minister-otmar-oduber-presente-na-e-retreat-di-mercadeo-di-
mercado-norte-americano/