Page 60 - ATA MAY 4,2015

ORANJESTAD (AAN): Diabierna a cuminza e evento di tres dia yama ‘Sail Aruba 2015 teni na waf di Oranjestad,
pa conmemora 200 aña di existencia di Reino Hulandes, como tambe 350 aña di existencia di Cuerpo Real di
Marina Hulandes.
Rey Willem Alexander y Reina Maxima ta di bishita na Aruba y tambe tabata presente na e evento.
E pareha real alrededor di 9:45 di mainta a bishita Gobernador Fredis Refujnol na su cas na Savaneta, despues di
cual Rey Willem Alexander di Reina Maxima a bay cu boto pa waf di Oranjestad, pa ta parti di e festividad.
Hunto cu e pareha real tabata riba e boto Gobernador di Aruba y su distinguida esposa Lourdes Refunjol-
Lopez, como tambe Señora Bijleveld-Schouten, presidente di ‘Nationaal Comité 200 jaar Koninkrijk’.
Nan a wordo saluda pa coordinadora di proyecto Tamara Waldron y Señor S. Rains, miembro di e equipo di
proyecto Sail Aruba 2015.
Gobernador despues a invita e Rey riba stage pa e saludo ceremonial di 35 tiro, despues di cual diferente barco
militar y di warda costa a pasa na waf y usando entre otro tironan di cañon, nan a saluda y duna honor na e
Rey, bao di aplauso di e publico grandi presente.
Varios di e muchanan chikito presente tabata hopi emociona buscando pa wak e Rey y e Reina, mientras cu nan
a keda impresiona cu e barconan cu tabata pasando den waf y sigur tambe ora cu nan tabata scucha e tironan di
canon.

Por a sinti cu Rey ta contento di ta na Aruba y riba waf

Publication: Saturday, 2 May 2015. Categoria: General
Jossy Figaroa, Director di APA