Page 6 - HOH
P. 6
Harvey Hodge: Danki Dios cu tin e mashinnan aki cu por tene bo na bida
Mar 10th, 2015
Local
Clinica di Dialyse di Dr. Horacio E. Oduber Hospitaal tur siman ta brinda servicio na 84 pashent
pa tratamento di haemodialyse. Cada pashent ta bishita e Clinica di dialyse tres biaha pa siman,
sea ta dialuna, diaranson, diabierna of diamars, diahuebs y diasabra, pa tratamento di
haemodialyse.
E tratamento ta necesario pa yuda e pashent keda na bida y biba un bida di miho calidad posibel
despues cu su riñonnan (niernan) a sufri daño pa cual no tin cura. E ta wordo atendi pa un
Internista Nefrologo y nursenan specialisa den dialyse, cu ta percura pa su tratamento y ta gui’e
den e proceso pa adapta na su enfermedad y tur loke ta encera su salud despues cu su curpa a
adapta tambe.
Harvey Hodge ta un di e pashentnan di Clinica di Dialyse di Hospital. Su caso no ta uno “tipico”.
E no tabata diabetico y no tabata tin presion halto, e tabata un persona bon di salud, te cinco aña
pasa ora el a haya dengue. Como consecuencia di e sintomanan fuerte di e virus, el a sufri
deshidratacion.
E dengue a bay, pero e tabata sinti su curpa cansa, el a cuminsa retene vocht, su pianan a hincha
y su dokter a dicidi di intern’e na Hospital, pasobra e tin insuficiente den “algo”. Aki a
diagnostica cu e ta sufri di insuficiencia renal, esta cu su riñonnan no tabata funciona mas
manera mester ta y e mester a tuma dialyse di biaha pa salba su bida y e mester sigui riba dialyse
pasobra e daño causa pa e deshidratacion ta permanente.
Hodge ta conta cu el a cuminsa cu cinco ora pa biaha, tres biaha pa siman y cu tempo su
tratamento a wordo haci mas cortico den e cantidad di ora, pero ainda e mester bay tres biaha pa
siman. Na comienso no tabata facil, e mester a siña adapta, siña compronde con na un edad
hoben e por a haya su mes na un mashin di dialyse, Hodge ta splica. Tabata un poco shocking y e
informacion “eyfo” no tabata mucho, e ta agrega.
Hodge, como un pashent di dialyse relativamente hoben, kier a siña di su condicion, di e
tratamento, tocante alternativanan y kico ta e experiencia di e hendenan mes, pero el a topa cu
barera cu dialyse tabata wordo trata manera un topico “taboo”.
Mar 10th, 2015
Local
Clinica di Dialyse di Dr. Horacio E. Oduber Hospitaal tur siman ta brinda servicio na 84 pashent
pa tratamento di haemodialyse. Cada pashent ta bishita e Clinica di dialyse tres biaha pa siman,
sea ta dialuna, diaranson, diabierna of diamars, diahuebs y diasabra, pa tratamento di
haemodialyse.
E tratamento ta necesario pa yuda e pashent keda na bida y biba un bida di miho calidad posibel
despues cu su riñonnan (niernan) a sufri daño pa cual no tin cura. E ta wordo atendi pa un
Internista Nefrologo y nursenan specialisa den dialyse, cu ta percura pa su tratamento y ta gui’e
den e proceso pa adapta na su enfermedad y tur loke ta encera su salud despues cu su curpa a
adapta tambe.
Harvey Hodge ta un di e pashentnan di Clinica di Dialyse di Hospital. Su caso no ta uno “tipico”.
E no tabata diabetico y no tabata tin presion halto, e tabata un persona bon di salud, te cinco aña
pasa ora el a haya dengue. Como consecuencia di e sintomanan fuerte di e virus, el a sufri
deshidratacion.
E dengue a bay, pero e tabata sinti su curpa cansa, el a cuminsa retene vocht, su pianan a hincha
y su dokter a dicidi di intern’e na Hospital, pasobra e tin insuficiente den “algo”. Aki a
diagnostica cu e ta sufri di insuficiencia renal, esta cu su riñonnan no tabata funciona mas
manera mester ta y e mester a tuma dialyse di biaha pa salba su bida y e mester sigui riba dialyse
pasobra e daño causa pa e deshidratacion ta permanente.
Hodge ta conta cu el a cuminsa cu cinco ora pa biaha, tres biaha pa siman y cu tempo su
tratamento a wordo haci mas cortico den e cantidad di ora, pero ainda e mester bay tres biaha pa
siman. Na comienso no tabata facil, e mester a siña adapta, siña compronde con na un edad
hoben e por a haya su mes na un mashin di dialyse, Hodge ta splica. Tabata un poco shocking y e
informacion “eyfo” no tabata mucho, e ta agrega.
Hodge, como un pashent di dialyse relativamente hoben, kier a siña di su condicion, di e
tratamento, tocante alternativanan y kico ta e experiencia di e hendenan mes, pero el a topa cu
barera cu dialyse tabata wordo trata manera un topico “taboo”.
