Page 113 - KPA, 28 April 2015

Diadomingo mainta a drenta informe di un accidente cu herido na Savaneta banda di
Wintergarden, mesora a dirigi tanto polis como ambulans na e sitio. Na yegada di patruya a bin
encontra un motociclista benta den un forma in-natural riba caminda y cu no ta duna señal di
bida. Mesora a pidi pa e ambulans cu mas urgencia na e sitio y a solicita presencia di
autoridadnan competente. E prome informenan ricibi na e sitio ta indica cu e motociclista lo a
accidenta y a bay cay riba caminda y un pick-up lo a pasa riba dje. Un rato despues a logra
haya e pick-up para un poco mas pariba di e accidente. Polis a sera e caminda pa trafico, na
yegada di e ambulans nan a constata cu e curpa no ta duna señal di bida y pa 10:55 na yegada
di e dokter Giel ela constata e morto di e victima S.M.V. Naci 20 di maart 1996 y cu tabata biba
na Pastoor Hendrikstraat 93. Esaki ta e di 5 victima pa e aña aki y atrobe un otro hoben e biaha
aki di apenas 19 aña. Familiarnan di e victima a presenta na e sitio y no tabata tin forma pa
consola nan dolor. Na famianan di e victima nos di awe24.com ta extende nan nos palabranan
di profundo condolencia.

Shortened link: http://awe24.com/21605