Page 83 - KPA, 28 April 2015

Hoben di 19 aña ta e di 5 morto den trafico
Publication: Tuesday, 28 April 2015. Categoria: Policial

ORANJESTAD (AAN): Diadomingo mainta pa mas o menos 10:24’or, un patruya di Polis a
topa cu un accidente cu a caba di sosode riba e caminda di Savaneta, na altura di Wintergarden
Supermarket.
Na e lugar a topa cu un motorciclista tira na suela, claramente herida gravemente.
Inmediatamente e unidad a bati alarma, mirando con serio e victima ta mustra. A core pidi pa
Ambulans y demas autoridad. Pero ya e victima eybao no ta duna señal di bida mas.
El a haya trauma pisa na su cabez, y varios herida habri y tabatin sangramento profuso di su
cabez. E tabatin un helm bisti riba su cabez, pero esaki a bula bay keda basta leu.
Un investigacion na e lugar ta mustra cu e hoben motociclista riba un Harley Davidson, a bay
pasa auto siendo cu tin trafico ta bin di direccion contrario. El a bay dal violentamente contra un
Nissan Pickup.
E impacto tabata asina fuerte, cu e motorciclista no a sobrebibi. Polis a logra mira un security-
camera video cu a mustra nan claramente con e accident a socede.
Pa 10:55am, Dr. Giel a constata morto di Sheaffer Mark Vlaun, un hoben basta popular, naci na
Aruba dia 20 di maart 1996 y ta biba na Pastoor Hendrikstraat # 93, na San Nicolas.
Cu esaki nos ta conta caba e di 5 caso di morto den trafico riba nos isla, di cual 3 tabata riba un
motorcycle.
Famianan di e fayecido tambe a yega na e lugar, y nan tabata inconsolable.
DIARIO ta manda su palabranan di condolencia na famia.