Page 4 - DIGICEL FLIP 15 JULY 2017

Diabierna mainta a baha e señal di MIO na Aruba

Friday, 14 July 2017 18:14
1

Comparti

Tabata tin un deadline definitivo pa loke ta MIO. A tende cu ta bezig ta desconectando. Minister Richard
Arends a splica cu manera ta conoci, dia 1 di Juli e licensia pa opera riba e red di celular di MIO a caduca,
el a wordo ingetrokken. For di e momento ey caba MIO no tabata tin licensia pa opera na Aruba.

Sinembargo e bahamento di e red, e proceso tecnico ta un proceso cu ta tuma su tempo y p’esey a instrui
departamento di asuntonan di telecomunicacion pa ta den contacto cu MIO, pa loke ta trata e tecniconan
pa por tin acceso na e diferente cellsitesnan y tambe e main switchingboard di e empresa, cu ta haci uzo
di e red di MIO posibel pa e usuarionan. Obviamente e tempo ey tambe a wordo duna na e clientenan di
MIO pa loke ta trata si nan mester a busca un otro areglo pa loke ta trata di nan servicio di celular. Pero
ta asina leu cu diahuebs mainta a tuma luga cu e tecniconan di MIO, hunto cu DTZ y pa diabierna, 14 di
Juli, lo a baha e señal di MIO riba Aruba. Intento Desafortunadamente ningun intento serio a wordo haci
pa yega na un areglo cu Gobierno. E parti obviamente Gobierno mester garantisa e levelplain field pa
loke ta trata companianan di telecomunicacion y esey ta wordo haci cabalmente. E modelo di negoshi di
MIO tabata uno hopi beneficioso pa e usuarionan cual ta lamenta tambe. Ta lamenta cu tin usuarionan
cu a wordo perhudica. Pero mas ainda ta lamenta pa e empleadonan, cu e empleadonan na ningun
momento a wordo notifica na un manera debido, kico ta e situacion, for di ki tempo e situacion ta
andando. No ta algo cu a cuminsa e aña aki. No ta for di Maart 2017 ora cu e decreto a wordo firma pa
trek in e licensia dia 1 di Juli.

Ta un proceso cu ya caba a wordo inicia for di aña pasa y a yega na e parti final y ainda mas a duna e
usuarionan tambe un periodo di dos siman pa nan por haci e cambionan necesario pa loke ta trata nan
comunicacion. Desafortunadamente nada serio, nada cu por haci algo cun’e of yega na un areglo.
Gobierno di Aruba, na tur momento ta yama tur inversion stranhero bon bini. Nos economia
grandemente ta basa riba loke ta yama foreign direct investments, di e mesun manera cu ta man habri,
ora cu nan ta bin, ta trata nan netjes tambe ora di dispidi di nan. Sinembargo no a logra yega na algo
satisfactorio cu MIO y pa e motibo aki a sigui cu e proceso cu a inicia for di dia 1 di Juli, cu ta e
desconexion fisico di e rednan di celular, como tambe e main switchingboard, cu a culmina awe mainta.
]