Page 7 - DIGICEL 9 MAART 2016

SETAR patrocinado di competencia di varios actividad
cultural cu premionan special

Den cuadro di celebracion di 30 aña cu Aruba a haya su Status Aparte, como SETAR, nan tambe a
nace na momento cu nos a haya nos Status Aparte. SETAR ta e prome compania Arubiano cu a
nace di telecomunicacion hunto cu Status Aparte, Suzi Maduro, vocero di SETAR a splica. Por a
wak un desaroyo masha rapido, acelera den e 30 añanan aki, tanto na Aruba, den varios sector,
pero den SETAR tambe. Asina a bay di sistemanan analoog pa digital y a bay di solamente 2
servicio pa varios otro servicio cu no por a ni pensa na 1986 cu lo por a ofrece e publico awendia.
Den cuadro di esey tambe, SETAR kier a celebra hunto cu pueblo. SETAR ta un di e sponsornan
principal di e cancion di himno y bandera, dedica na Aruba. Ta un serie di competencia di
cantamento di mucha, e hobennan y tambe hende grandi. Tur aña, durante añanan, SETAR ta
patrocinador di varios organisacion rond di Aruba, ta celebra 18 di Maart, pasobra e ta algo cultural
y algo cu nos no mester laga muri nunca mas pasobra e ta hopi importante.
E aña aki SETAR ta join e competencia di poesia cu Instituto di Cultura a lansa y tambe e
competencia di pintamento di e scolnan, pero esun di poesia, ta bay ta un categoria special,
pasobra si ta cana rond cu un paar di idea y no pone riba papel ainda, ainda bo tin chens. E mester
tin di haber cu 30 aña Status Aparte, 30 aña SETAR, creando conexion pa Aruba. Esey tabata nan
tarea primordial y por bisa cu satisfaccion cu SETAR ta orguyoso di Aruba y orguyoso di tur e
posibilidadnan cu nos tin como Arubiano awendia.
E exigencianan pa e poemanan, mester ta original, nan mester ta na Papiamento y no Papiamento
di otro luga. Esta etimologico. E mester tin minimo dos strofa y maximo 4 strofa. Cada strofa mester
consisti di 4 liña, e rima ta opcional.
Ta spera cu e ganado, ora e sali, ta bay lag’e bay den man di e procedura normal cu e otro
poemanan cu ta bay competi cun’e, pero pa categoria di SETAR lo tin un premio special, Maduro a
splica por ultimo.

http://masnoticia.com/setar-patrocinado-di-competencia-di-varios-actividad-cultural-cu-premionan-
special/