Page 54 - flip minvos

tambe haya frontpage, pasobra hobenan excelente tambe merece frontpage", tabata
palabranan di Minister Paul Croes durante su discurso den e premio Excelencia den Deporte
diabierna ultimo.
E mensahe aki a keda bon recibi cu un aplauso pa e mas di 500 atletanan, deportista,
entrenadornan y mayornan presente den Marriot Ballroom. "Nos mester inculca mas
positivismo bou di nos hobenan y nos comunidad. Y mustrando nos hobenan cu ta destaca ta
un ehempel grandi pa otro hobenan", esei e mandatario encarga cu e maneho di Hubentud y
Social di Aruba a bisa. Minister Paul Croes a remplasa Minister di Deporte Alex Shwengle
kende tabata sufriendo di un kebrante di salud. Tambe Minister Paul Croes a felicita tur e
nominadonan di e anochi."Cada uno di boso ta ganador caba, y danki pa semper pone Aruba su
nomber riba plataformanan halto internacional y tambe localmente. Mi kier gradici en
particular e mayornan cu ta dedica nan bida pa asina nan juinan por haya e oportunidad
desaroya nan talentonan deportivo", Minister Paul Croes a bisa. Finalmente Minister Croes
tabatin e honor di anuncia Kamilah Dammers (Bowling) como e atleta di 2014. Famia di
Kamilah tabatei presente pa asina tuma e reconocimento importante aki pa nan jui. Alabes
Kamilah a recibi e bunita suma di 10.000 florin como premio.

http://www.24ora.com/politica-mainmenu-18/93554-minister-paul-croes-hobenan-excelente-riba-
frontpage

Selecion Nacional Masculino di Aruba Softball Bond a sali
pa Nassau Bahamas

Sunday, 29 March 2015 12:55
Comparti

Selecion Nacional Masculino di Aruba Softball Bond a sali pa Nassau Bahamas pa e
competencia di ECASC pues un competencia entre islanan.
Despues di un preparación hopi pero hopi fuerte Selecion Nacional Masculino di Aruba lo
drenta e competencia aki cu hopi positivismo y speransa pa un medaya. ASB mester accentua
cu e Selecion aki desde November 2014 ta hunto practicando y desde Januari 2015 ta
entrenando 4 ves pa siman cu un attendance ratio na training di riba 95%. Esaki ta mustra e
compromiso di cada atleta kendenan porcierto cada training mester a paga Afl.5,- pa nan por a
train pa cubri gastonan di tereno envolví. Coaching Staff Octavio Cajigal, Poy Flanegin y Henk
Arnold a hasi un gran labor y a expresa na ASB cu nan ta orguyoso di e muchanan. ASB tambe