Page 68 - flip minvos

AVB ta felicita y alaves ta informa: Un total di diesun referee ta pasa e curso technico
cu exito
Monday, 30 March 2015 14:28
Comparti

Desde dia 25 te cu 29 di maart di e aña aki, a tuma lugar un curso asina yama Referee Assistant Program
(RAP) di FIFA especialmente pa refreenan di AVB. E curso aki a tuma lugar entre otro na Technical
Center Angel Botta como tambe den stadion Frans Figaroa na Noord.
E curso aki ta consisti di tanto e parti practico, físico como tambe pa midi e conocimento di e reglanan di e
deporte mas gusta na mundo esta futbol. Como parti di e procerso aki, tur cursista a haya e oportunidad
pa analysa nan coleganan cu mester a dirigi e partido entre Brazil jrs contra di Estrella cu a tuma lugar
diasabra 28 di maart ultimo pa despues discuti den grupo loke cu nan a presencia.
Pa loke ta trata e preparacion fisico, esaki a cuminsa desde 6or di mainta. E test aki ta encera entre otro e
asina yama “dynamic YOYO-test”. Despues cu e test aki a tuma lugar, a bin realisa cu e conocido referee
señor Ronald Staring a jega na e nivel di e referee Cubano kende ta e persona cu den pasado a kibra e
record den dicho test, bou di CONCACAF. Tambe ta bon pa menciona cu tur e referee nan asistente,
mester a pasa un asina yama KODA-test.
E curso di RAP aki a wordo facilita na e cursistanan door di señor Dave Meikle kende ta FIFA Senior
Regional Instructor, señor Rohan Thobourne kende ta FIFA Fitness Regional Instructor, señora Monique
Ras kende ta e Head of Refree di AVB como tambe Technical Instructor, señor Egberth Paesch kende ta
Fitness Instructor pa AVB como tambe door di señor Frans Dijkhoff kende tambe ta Technical Instructor
di AVB. Por ultimo Arubaanse Voetbalbond kier a gradeci tur instructornan cu a haci e curso aki uno
posibel, mirando cu esaki ta algo necesario pa mehoracion di e deporte rey. Tambe AVB kier a felicita tur e
cursistanan cu a pasa e curso aki cu exito y ta deseanan tur clase di exito.

http://www.24ora.com/deporte-mainmenu-7/93581-avb-ta-felicita-y-alaves-ta-informa-un-total-di-
diesun-referee-ta-pasa-e-curso-technico-cu-exito